കോട്ടയ്ക്കൽ: മലപ്പുറം കോട്ടയ്ക്കലിൽ കഴിഞ്ഞ ദിവസം നായാട്ടിനിടെ വെടിയേറ്റ് യുവാവ് മരിച്ച സംഭവം കൊലപാതകമെന്ന് സംശയം. കേസിൽ അഞ്ച് പേരെ കൂടി പോലീസ് കസ്റ്റഡിയിലെടുത്തു. പൊൻമള ആക്കപ്പറമ്പ് കണക്കയിൽ അലവിയുടെ മകൻ ഇൻഷാദ് (ഷാനു- 27) ആണ് മരിച്ചത്.
കസ്റ്റഡിയിൽ എടുത്തവർ വിശദമായി ചോദ്യം ചെയ്ത് വരികയാണെന്നും ലഭ്യമായ തെളിവുകൾ പ്രകാരം കൊലപാതകമെന്നാണ് സൂചനയെന്നും പോലീസ് പറയുന്നു. അലി അസ്കർ, സുനീഷൻ എന്നിവരെ മലപ്പുറം ഡിവൈഎസ്പി പിഎം പ്രദീപ്, കോട്ടയ്ക്കൽ ഇൻസ്പെക്ടർ എകെ ഷാജി എന്നിവരുടെ നേതൃത്വത്തിൽ തിങ്കളാഴ്ച അറസ്റ്റ് ചെയ്തിരുന്നു.
മലപ്പുറം മജിസ്ട്രേറ്റ് അവധിയായതിനാൽ പെരിന്തൽമണ്ണ കോടതിയിലാണ് ഇരുവരെയും ഹാജരാക്കിയത്. രണ്ടാഴ്ചത്തേക്ക് റിമാൻഡ് ചെയ്ത ഇരുവരും മഞ്ചേരി സബ് ജയിലിലാണ് ഇപ്പോഴുള്ളത്. ഇവരെ മൂന്ന് ദിവസം കസ്റ്റഡിയിൽ കിട്ടാൻ ബുധനാഴ്ച കോടതിയിൽ അപേക്ഷ നൽകുമെന്ന് പോലീസ് അറിയിച്ചു. കാട്ടുപന്നിയെ വേട്ടയാടുന്നതിനിടെ അബദ്ധത്തിൽ വെടിപൊട്ടിയാണ് ഇൻഷാദ് മരിച്ചതെന്നാണ് അലി അസ്കറും സുനീഷനും പോലീസിന് മൊഴി നൽകിയത്. ഇതിനെ പറ്റി വിശദമായ അന്വേഷണം നടക്കുകയാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
