ന്യൂഡെല്ഹി : രാജ്യത്തെ സിബിഎസ്ഇ പത്ത്, പന്ത്രണ്ട് ക്ളാസുകളിലെ പരീക്ഷാ തീയതികള് ഇന്ന് പ്രഖ്യാപിക്കുമെന്ന് കേന്ദ്രം വ്യക്തമാക്കി. ഇന്ന് വൈകുന്നേരം 6 മണിയോടെ നടക്കുന്ന തല്സമയ വെബിനാറിലൂടെയാണ് കേന്ദ്ര വിദ്യാഭ്യാസ മന്ത്രി രമേഷ് പൊഖ്രിയാല് പരീക്ഷാ തീയതി പ്രഖ്യാപിക്കുന്നത്. പ്രഖ്യാപനത്തിന് പിന്നാലെ cbse.nic.in എന്ന വെബ്സൈറ്റ് വഴി വിദ്യാര്ഥികള്ക്ക് പരീക്ഷ തീയതിയും സമയവും ലഭ്യമാകും. പരീക്ഷാ തീയതികള് പ്രഖ്യാപിക്കുന്നതിനോടൊപ്പം തന്നെ പരീക്ഷക്കായുള്ള നിര്ദേശങ്ങളും ഇന്ന് കേന്ദ്രം പ്രഖ്യാപിക്കും.
കോവിഡ് വ്യാപനത്തെ തുടര്ന്ന് ഇത്തവണത്തെ അധ്യയന വര്ഷത്തില് സ്കൂളുകള് അടച്ചിട്ടതിനാല് സിലബസ് വെട്ടിക്കുറച്ചാണ് സിബിഎസ്ഇ പരീക്ഷ നടത്താന് തീരുമാനിച്ചിരിക്കുന്നത്. പുതുക്കിയ സിലബസ് സംബന്ധിച്ച വിവരങ്ങള് cbseacademic.nic.in/Revisedcurriculam എന്ന വെബ്സൈറ്റില് ലഭിക്കും. കൂടാതെ പരീക്ഷാ തയ്യാറെടുപ്പിനായി വിവിധ വിഷയങ്ങളിലെ മാതൃക ചോദ്യപേപ്പറുകളും സിബിഎസ്ഇ തയാറാക്കിയിട്ടുണ്ട്.
Read also : ആഘോഷങ്ങൾക്ക് നിയന്ത്രണം; ഡെൽഹിയിൽ ഇന്ന് രാത്രി കർഫ്യൂ
