കുവൈറ്റ് സിറ്റി: ഒന്നര വര്ഷങ്ങള്ക്ക് ശേഷം ഇന്ത്യയില് നിന്ന് നേരിട്ടുള്ള വിമാന സര്വീസിന് അനുമതി നല്കി കുവൈറ്റ്. കൊറോണ എമര്ജന്സി കമ്മിറ്റിയുടെ മാനദണ്ഡങ്ങള്ക്ക് അനുസൃതമായിരിക്കും സര്വീസുകള് നടക്കുക. വാണിജ്യ സര്വീസുകള്ക്കായിരിക്കും ആദ്യ ഘട്ടത്തില് അനുമതി ഉണ്ടാവുകയെന്ന് മന്ത്രാലയം അറിയിച്ചു.
പ്രധാനമന്ത്രിയുടെ അധ്യക്ഷതയില് ചേര്ന്ന മന്ത്രിസഭാ യോഗത്തിലാണ് തീരുമാനം. ഇന്ത്യയില് നിന്നെത്തുന്നവര്ക്ക് ഏര്പ്പെടുത്തിയ പ്രവേശന വിലക്കും നീക്കിയിട്ടുണ്ട്. കുവൈറ്റ് അംഗീകരിച്ച കോവിഡ് വാക്സിന് കോഴ്സ് പൂര്ത്തിയാക്കിയിരിക്കണം എന്നാണ് പ്രധാന നിര്ദേശം.
നിലവില് ഇന്ത്യയില് നല്കി വരുന്ന കോവിഷീല്ഡ് വാക്സിന് കുവൈറ്റിൽ അംഗീകാരമുണ്ട്. യാത്രക്കാര്ക്ക് 72 മണിക്കൂറിനകമെടുത്ത ആര്ടിപിസിആര് നെഗറ്റീവ് സര്ട്ടിഫിക്കറ്റും നിര്ബന്ധമാണ്.
ഒരാഴ്ച നിർബന്ധിത ക്വാറന്റെയ്നും ഏർപ്പെടുത്തും. ഇന്ത്യക്ക് പുറമെ ഈജിപ്ത്, നേപ്പാള്, പാകിസ്ഥാന്, ബംഗ്ളാദേശ്, ശ്രീലങ്ക എന്നിവിടങ്ങളില് നിന്നും നേരിട്ടുള്ള വിമാന സര്വീസുകള്ക്ക് അനുമതിയുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
