കീവ്: ഇന്നലെ ആരംഭിച്ച യുക്രൈന്-റഷ്യ നാലാം ഘട്ട ചര്ച്ച ഇന്ന് വീണ്ടും തുടരും. ചര്ച്ച ഇന്നലെ രാത്രിയോടെ താൽക്കാലികമായി അവസാനിപ്പിച്ചെന്നും ഇന്ന് വീണ്ടും തുടരുമെന്നും യുക്രൈന് പ്രതിനിധി മിഖൈലോ പോഡോലിയാക് ട്വിറ്ററിലൂടെ അറിയിച്ചിട്ടുണ്ട്. യുക്രൈന് സമയം ഇന്നലെ രാവിലെ 10.30 മുതലാണ് വീഡിയോ കോണ്ഫറന്സിലൂടെ ചര്ച്ച തുടങ്ങിയത്.
യുക്രൈനില് റഷ്യ അടിയന്തരമായി വെടിനിർത്തല് പ്രഖ്യാപിക്കണമെന്നും റഷ്യന് സൈന്യം പിൻമാറണമെന്നും യുക്രൈന് പ്രതിനിധി മിഖൈലോ പോഡോലിയാക് ആവശ്യപ്പെട്ടു. എന്നാല്, സൈനിക നടപടി തുടരുമെന്നും യുക്രൈൻ പോരാട്ടം നിർത്തിയാല് മാത്രമേ തങ്ങള് പിൻമാറൂ എന്നുമാണ് റഷ്യന് പ്രസിഡണ്ട് വ്ളാദിമിര് പുടിന് ഇന്നലെ വ്യക്തമാക്കിയത്.
മുൻപ് നടന്ന മൂന്നു ചര്ച്ചകളും ഫലം കാണാതെ പിരിയുകയായിരുന്നു. സംഘര്ഷം അവസാനിപ്പിക്കാന് റഷ്യന് പ്രസിഡണ്ട് വ്ളാദിമിര് പുടിനുമായി നേരിട്ടുള്ള ഒരു കൂടിക്കാഴ്ച സംഘടിപ്പിക്കുക എന്നതാണ് തങ്ങളുടെ സംഘത്തിന്റെ പ്രധാന ദൗത്യമെന്ന് യുക്രൈന് പ്രസിഡണ്ട് വ്ളാദിമിര് സെലന്സ്കി ഇന്നലെ ആവര്ത്തിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
