കൊച്ചി: കളമശ്ശേരിയിൽ കെട്ടിട നിർമാണത്തിനിടെ മണ്ണിടിഞ്ഞ് വീണുണ്ടായ അപകടത്തിൽ നാല് പേർ മരിച്ചു. അതിഥി തൊഴിലാളികളാണ് മരിച്ചത്. മണ്ണിനടിയിൽ കുടുങ്ങിയ ഒരാൾക്കായി തിരച്ചിൽ തുടരുകയാണ്. ഏഴ് തൊഴിലാളികളാണ് അപകടത്തിൽ പെട്ടത്.
സംഭവം നടന്നയുടൻ പുറത്തെത്തിച്ചതിനാൽ രണ്ടുപേർ നിസാര പരിക്കുകളോടെ രക്ഷപെട്ടു. പശ്ചിമ ബംഗാൾ സ്വദേശികളാണ് അപകടത്തിൽ പെട്ടവർ. കളമശ്ശേരി മെഡിക്കൽ കോളേജിനടുത്തുള്ള ഇലക്ട്രോണിക് സിറ്റിയിൽ നിർമാണം നടക്കുന്നതിനിടെ ആയിരുന്നു അപകടം. ആഴമുള്ള കുഴിയെടുക്കാനായി മണ്ണെടുക്കുന്നതിനിടെ മുകളിൽ നിന്ന് മണ്ണിടിഞ്ഞ് തൊഴിലാളികൾക്ക് മേലേക്ക് വീഴുകയായിരുന്നു.
അപകടം നടന്ന ഉടൻ തന്നെ രണ്ടുപേരെ പുറത്തെത്തിച്ചിരുന്നു. പിന്നീട് തിരച്ചിലിനിടെ നാല് പേരെ കൂടി രക്ഷപെടുത്തി കളമശ്ശേരി മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല. ഫയർ ഫോഴ്സും നാട്ടുകാരും അടക്കം സംഭവസ്ഥലത്ത് രക്ഷാപ്രവർത്തനം നടത്തുന്നുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
