ഡെൽഹി: ഇന്ത്യയില് നിന്നും യുകെയിലേക്കുള്ള യാത്രാ സര്വീസുകള് റദ്ദാക്കി എയര് ഇന്ത്യ. ഏപ്രില് 24 മുതല് 30 വരെയുള്ള സര്വീസുകളാണ് റദ്ദാക്കിയിരിക്കുന്നത്.
ഈ വിമാനങ്ങളില് യാത്ര ചെയ്യാനിരുന്നവര്ക്ക് റീഫണ്ട്, പുതിയ തീയതി തുടങ്ങിയ കാര്യങ്ങളില് വേഗത്തില് തന്നെ തീരുമാനമുണ്ടാകുമെന്ന് എയര് ഇന്ത്യ അറിയിച്ചു. കോവിഡ് രണ്ടാം തരംഗം ഇന്ത്യയില് അതിരൂക്ഷമാകുന്ന സാഹചര്യത്തിലാണ് എയര് ഇന്ത്യയുടെ നടപടി.
കൂടാതെ യുകെ ഇന്ത്യയെ റെഡ് ലിസ്റ്റില് ഉള്പ്പെടുത്തിയിരുന്നു. പുതിയ കോവിഡ് വകഭേദത്തിന്റെ അതിതീവ്ര വ്യാപനം കണക്കിലെടുത്താണ് ഇന്ത്യയില് നിന്നുള്ള യാത്രക്കാര്ക്ക് ബ്രിട്ടനില് യാത്രാവിലക്ക് ഏര്പ്പെടുത്തിയത്.
Read Also: ശനി, ഞായർ ദിവസങ്ങളിൽ അവശ്യ സേവനങ്ങൾ മാത്രം; സർക്കാർ സ്ഥാപനങ്ങൾക്ക് അവധി
