ന്യൂഡെല്ഹി: ആമസോണിന്റെ കേസില് ഫ്യൂചര് ഗ്രൂപ്പ് ഡെല്ഹി ഹൈക്കോടതിയെ സമീപിച്ചു. സിങ്കപ്പൂര് ആര്ബിട്രേഷന് സെന്റര് ഫ്യൂചര്- റിലയന്സ് ഇടപാട് സ്റ്റേ ചെയ്ത ഉത്തരവിനെതിരെയാണ് ഫ്യൂചര് ഗ്രൂപ്പിന്റെ നീക്കം.
Also Read: തായ്വാനിൽ കുഞ്ഞുങ്ങളെക്കാള് കൂടുതല് വളര്ത്തു മൃഗങ്ങള്
ആമസോണ് എസ്ഐഎസിയുടെ ഉത്തരവ് ദുരുപയോഗം ചെയ്യുന്നെന്നാണ് ആരോപണം. ഫ്യൂചര് ഗ്രൂപ് ഭാഗമല്ലാത്ത കരാറിന്റെ പേരിലാണ് സിങ്കപ്പൂരിലെ ആര്ബിട്രേഷന് സെന്റര് ഉത്തരവിട്ടിരിക്കുന്നതെന്ന് ഇത് സംബന്ധിച്ച് പുറത്തിറക്കിയ വാര്ത്താക്കുറിപ്പില് കമ്പനി ആരോപിക്കുന്നു. ഫ്യൂചര്- റിലയന്സ് ഇടപാടില് തങ്ങളുമായി ഉണ്ടാക്കിയ കരാര് ഫ്യൂചര് ഗ്രൂപ്പ് ലംഘിച്ചെന്ന് ആരോപിച്ചാണ് ആമസോണ് ആര്ബിട്രേഷന് സെന്ററിനെ സമീപിച്ചത്. ഫ്യൂചര്- റിലയന്സ് ഇടപാട് സ്റ്റേ ചെയ്ത് ആമസോണിന് അനുകൂലമായിരുന്നു ആര്ബിട്രേഷന് ഉത്തരവ്.
