തിരുവനന്തപുരം: ബാർ കോഴ വിവാദവുമായി ബന്ധപ്പെട്ട കേസിൽ, കോൺഗ്രസ് നേതാവും മുൻ മന്ത്രിയുമായ തിരുവഞ്ചൂർ രാധാകൃഷ്‍ണന്റെ മകൻ അർജുൻ രാധാകൃഷ്‌ണന് ക്രൈം ബ്രാഞ്ച് നോട്ടീസ്. വെള്ളിയാഴ്‌ച തിരുവനന്തപുരത്തെ ക്രൈം ബ്രാഞ്ച് ഓഫീസിൽ ചോദ്യം ചെയ്യലിന് ഹാജരാകാനാണ് നോട്ടീസിൽ ആവശ്യപ്പെട്ടിരിക്കുന്നത്.
ഇടുക്കിയിലെ ബാറുടമകളുടെ വാട്‍സ് ആപ് ഗ്രൂപ്പിന്റെ അഡ്‌മിനായിരുന്നു അർജുൻ രാധാകൃഷ്‌ണനെന്ന് അന്വേഷണ സംഘം പറയുന്നു. അഡ്‌മിൻ സ്‌ഥാനത്ത്‌ നിന്ന് അർജുൻ മാറിയെങ്കിലും ഇപ്പോഴും ഗ്രൂപ്പ് അംഗമായി തുടരുന്നുണ്ടെന്നാണ് ക്രൈം ബ്രാഞ്ച് പറയുന്നത്. ഈ സാഹചര്യത്തിൽ വിവരങ്ങൾ ചോദിച്ചറിയാനാണ് അർജുന് നോട്ടീസ് അയച്ചതെന്നാണ് വിശദീകരണം.
അർജുന്റെ ഭാര്യാ പിതാവ് ബാർ ഉടമയാണ്. മൂന്ന് പ്രാവശ്യം ഫോൺ വിളിച്ചിട്ടും അർജുൻ അന്വേഷണവുമായി സഹകരിച്ചിരുന്നില്ല. തുടർന്നാണ് നോട്ടീസ് നൽകിയതെന്നും ക്രൈം ബ്രാഞ്ച് പറയുന്നു. മദ്യനയത്തിന് ഇളവ് നൽകാൻ സംസ്‌ഥാന സർക്കാരിന് കോഴ നൽകാൻ ബാർ ഉടമകൾ പിരിവെടുത്തെന്ന ആരോപണമാണ് വിവാദത്തിന് അടിസ്‌ഥാനം.
പണം ആവശ്യപ്പെട്ട് ബാറുടമകളുടെ സംഘടനയുടെ ഇടുക്കി ജില്ലാ മുൻ പ്രസിഡണ്ട് അനിമോൻ ജില്ലയിലെ സംഘടനയിലെ അംഗങ്ങൾക്ക് അയച്ച ഓഡിയോ പുറത്ത് വന്നതാണ് വിവാദമായത്. ഡ്രൈ ഡേ പിൻവലിക്കൽ, ബാർ പ്രവർത്തന സമയം കൂട്ടൽ തുടങ്ങിയവ സർക്കാർ ചെയ്‌ത്‌ തരുമ്പോൾ തിരികെ എന്തെങ്കിലും ചെയ്യണം. അതിനായി പണപ്പിരിവ് വേണമെന്നുമായിരുന്നു അനിമോന്റെ ശബ്‌ദ സന്ദേശത്തിൽ ഉണ്ടായിരുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
