ലഖ്നൗ: ഇന്ത്യന്‍ വ്യോമസേനയുടെ (ഐഎഎഫ്) മിറാഷ് യുദ്ധവിമാനത്തിന്റെ മോഷണം പോയ ടയര്‍ വീണ്ടെടുത്തതായി യുപി പൊലീസ്.
കഴിഞ്ഞ നവംബര്‍ 27ന് ലഖ്‌നൗവിലെ ബക്ഷി കാ തലാബ് എയര്ഫോഴ്സ് സ്‌റ്റേഷനില്‍ നിന്ന് രാജസ്‌ഥാനിലെ ജോധ്പൂര്‍ വ്യോമതാവളത്തിലേക്ക് കൊണ്ടുപോകവേ ഓടിക്കൊണ്ടിരിക്കുന്ന ട്രക്കില്‍ നിന്ന് ടയർ മോഷണം പോയതായി റിപ്പോർട് പുറത്തു വന്നിരുന്നു. ഇത് വീണ്ടെടുത്തു എന്നാണ് യുപി പോലീസ് അറിയിക്കുന്നത്.
ട്രക്കിന്റെ ടയറാണെന്ന് കരുതിയാണ് മോഷ്‌ടാക്കള്‍ ടയര്‍ തട്ടിയെടുത്തത് എന്ന് പോലീസ് പറയുന്നു. ടയര്‍ തങ്ങളുടെ സപ്ളൈ ഡിപ്പോയില്‍ നിന്നുള്ളതാണെന്നും ഒരു മിറേജ് ജെറ്റിന്റേതാണെന്നും എയര്ഫോഴ്സ് സ്‌റ്റേഷന്‍ സ്‌ഥിരീകരിച്ചു. ലഖ്‌നൗവിലെ ഷഹീദ് പഥില്‍ നിന്നായിരുന്നു മോഷണം നടന്നത്.
Read also: ദേശീയ വാദികള്‍ക്ക് വേണ്ടി ഇനിയും പ്രചാരണം നടത്തും’; കങ്കണ റണൗട്ട്
