ന്യൂയോർക്ക്: ലോകത്ത് കോവിഡ് ബാധിതരുടെ എണ്ണം പതിനെട്ട് കോടി അറുപത്തിമൂന്ന് ലക്ഷം പിന്നിട്ടു. വേൾഡോ മീറ്ററിന്റെ കണക്കുപ്രകാരം കഴിഞ്ഞ ഇരുപത്തിനാല് മണിക്കൂറിനിടെ നാലര ലക്ഷത്തോളം പേർക്കാണ് വൈറസ് ബാധ സ്‌ഥിരീകരിച്ചത്. ആകെ മരണം 40,257,63 ആയി ഉയർന്നു. രോഗമുക്‌തി നേടിയവരുടെ എണ്ണം പതിനേഴ് കോടി കടന്നു.
24 മണിക്കൂറിനിടെ റിപ്പോർട് ചെയ്‌ത പ്രതിദിന കോവിഡ് കേസുകളുടെ എണ്ണത്തിലും മരണത്തിലും ബ്രസീലാണ് ഒന്നാമത്. രാജ്യത്ത് അരലക്ഷത്തിലധികം പേർക്കാണ് ഇരുപത്തിനാല് മണിക്കൂറിനിടെ വൈറസ് ബാധ സ്‌ഥിരീകരിച്ചത്. 1,733 പേരാണ് ഇതുവരെ മരിച്ചത്. ഇതോടെ ആകെ മരണം 5.30 ലക്ഷം കടന്നു. ഇന്ത്യയിലാകട്ടെ 24 മണിക്കൂറിനിടെ 34,443 പേർക്കാണ് രോഗം സ്‌ഥിരീകരിച്ചത്.
Read Also: കശ്‌മീരിൽ ഏറ്റുമുട്ടൽ; മലയാളി ഉൾപ്പടെ രണ്ട് സൈനികർക്ക് വീരമൃത്യു
