പാലക്കാട്: കള്ളപ്പണ ആരോപണത്തിന്റെ പേരിൽ കോൺഗ്രസ് നേതാക്കളുടെ മുറികളിൽ പോലീസ് നടത്തിയ റെയ്‌ഡിൽ പ്രതികരിച്ച് സിപിഎം സംസ്‌ഥാന സെക്രട്ടറി എംവി ഗോവിന്ദൻ. പോലീസ് നടത്തിയ റെയ്‌ഡ്‌ ഷാഫി പറമ്പിലിന്റെ നാടകവും കൂടിച്ചേർന്നതാണെന്ന് ഗോവിന്ദൻ ആരോപിച്ചു.
”ഷാഫി പറമ്പിൽ തന്നെയാണ് ഇതിന്റെ സംവിധായകൻ. എല്ലാവരുടെയും ശ്രദ്ധ പെട്ടിയില്ലല്ലേ ഇപ്പോൾ. രാഹുൽ കയറിപ്പോയ വാഹനവും പെട്ടി കയറ്റിപോയ വാഹനവും വേറെയാണ് എന്ന കാര്യം പുറത്തുവന്നതോടെ ചിത്രം മാറിയില്ലേ. എന്തായാലും കള്ളപ്പണം ഒഴുക്കാൻ പാടില്ല. പാലക്കാട്ടെ റെയ്‌ഡിന്‌ ശേഷം കോൺഗ്രസിന്റെ ശുക്രദശ മാറി”- എംവി ഗോവിന്ദൻ പറഞ്ഞു.
പിപി ദിവ്യയുടെ കാര്യത്തിൽ കൃത്യമായ നിലപാട് തന്നെയാണ് പാർട്ടിയെടുത്തതെന്നും ഗോവിന്ദൻ പറഞ്ഞു. പാർട്ടി എപ്പോഴും നവീൻ ബാബുവിന്റെ കുടുംബത്തോടൊപ്പം തന്നെയാണ്. അക്കാര്യം നേരത്തെയും വ്യക്‌തമാക്കിയതാണ്. ദിവ്യയെടുക്കുന്ന നിലപാടല്ല പാർട്ടി നിലപാട്. പാർട്ടിക്ക് പാർട്ടിയുടേതായ നിലപാടുണ്ട്. ദിവ്യയെ കാണാൻ നേതാക്കൾ ഇനിയും പോകും. കേഡർമാരെ കൊല്ലുകയല്ല തിരുത്തുകയാണ് വേണ്ടത്. കോടതിയിൽ ദിവ്യ പറയുന്നത് പാർട്ടി നിലപാടല്ലെന്നും എംവി ഗോവിന്ദൻ പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
