കൊഴിഞ്ഞാമ്പാറ: വ്യാജസ്വർണം നൽകി ലക്ഷങ്ങൾ തട്ടിയെടുത്ത കേസിലെ മുഖ്യ പ്രതി അറസ്റ്റിൽ. പൊള്ളാച്ചി ആനമല വി കൃഷ്ണമൂർത്തിയെ (53) ആണ് ഇന്നലെ കോയമ്പത്തൂരിൽ പോലീസ് അറസ്റ്റ് ചെയ്തത്. നിധി കിട്ടിയതാണെന്ന് വിശ്വസിപ്പിച്ച് നെൻമാറയിലുള്ള ഉണ്ണികൃഷ്ണൻ എന്നയാളെ വിളിച്ചുവരുത്തി വ്യാജസ്വർണം നൽകി 16 ലക്ഷം രൂപ തട്ടിയെടുത്തെന്നാണ് കേസ്.
തമിഴ്നാട്ടിലെ രണ്ടുപേർക്ക് നിധി കിട്ടിയിട്ടുണ്ടെന്നും അതിൽ 360 ഗ്രാം സ്വർണം 16 ലക്ഷം രൂപക്ക് നൽകാമെന്നും പറഞ്ഞായിരുന്നു തട്ടിപ്പ്. 7 മാസം മുൻപ് തൃശൂർ സ്വദേശികളായ സുനിൽ, സഞ്ജീവൻ എന്നിവർ ഇതേ കേസിൽ അറസ്റ്റിലായിരുന്നു.
തമിഴ്നാട് ആനമല സേത്തുമട റോഡിൽ അബ്ബാസിനെയും കഴിഞ്ഞ 6ന് രാജ എന്ന കറുപ്പസ്വാമിയെയും(37) അറസ്റ്റ് ചെയ്തിരുന്നു. ഇവരിൽനിന്ന് ലഭിച്ച വിവരങ്ങളുടെ അടിസ്ഥാനത്തിൽ നടത്തിയ അന്വേഷണത്തിലാണ് കൃഷ്ണമൂർത്തിയെ പിടികൂടിയത്. ഇതോടെ അറസ്റ്റിലായവരുടെ എണ്ണം അഞ്ചായി. ഇയാൾ തമിഴ്നാട്ടിൽ ഒട്ടേറെ കേസുകളിൽ പ്രതിയാണ്. കൂടുതൽ പ്രതികൾ പിടിയിലാകാനുണ്ടെന്നും പോലീസ് പറഞ്ഞു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
