ന്യൂഡെൽഹി: എച്ച്ഡിഎഫ്സി ബാങ്കും പേടിഎമ്മും ചേർന്ന് ഒക്ടോബർ മുതൽ വിസ നെറ്റ്വർക്കിന്റെ ഭാഗമായുള്ള ക്രെഡിറ്റ് കാർഡുകൾ പുറത്തിറക്കും. റീടെയ്ൽ ഉപഭോക്താക്കളെ ആകർഷിക്കാൻ ലക്ഷ്യമിട്ടുള്ളതാണ് പുതിയ നീക്കം.
മികച്ച ക്യാഷ്ബാക്കും, ഏറ്റവും മികച്ച റിവാർഡുകളും നൽകി കൂടുതൽ ഉപഭോക്താക്കളെ കണ്ടെത്തുവാനാണ് ഇരുകമ്പനികളുടെയും ശ്രമം. വരാനിരിക്കുന്ന ഓൺലൈൻ ഫെസ്റ്റിവൽ സീസണുകളിൽ പുതിയ തീരുമാനത്തിലൂടെ നേട്ടമുണ്ടാക്കാമെന്നാണ് എച്ച്ഡിഎഫ്സിയുടെ കണക്കുകൂട്ടൽ.
ഇഎംഐ, വാങ്ങുന്ന ഉൽപന്നങ്ങൾക്ക് പിന്നീട് പണം നൽകിയാൽ മതിയെന്ന ആനുകൂല്യം തുടങ്ങിയ ഫീച്ചറുകൾ ഇത്തരം കാർഡുകളിലേക്ക് ഉപഭോക്താക്കളെ ആകർഷിക്കുന്നുണ്ട്.
രാജ്യത്ത് കാർഡ് വഴി നടക്കുന്ന ഇടപാടുകളിൽ മൂന്നിലൊന്നും എച്ച്ഡിഎഫ്സി ബാങ്ക് ഉപഭോക്താക്കളുടേതാണ്. അതിനാൽ തന്നെ എച്ച്ഡിഎഫ്സിയുമായി സഹകരിക്കുന്നത് തങ്ങൾക്കും കൂടുതൽ നേട്ടമാകുമെന്നാണ് പേടിഎമ്മിന്റെ വിലയിരുത്തൽ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
