തൃശൂര്: തൃശൂര് പൂരത്തിനോട് അനുബന്ധിച്ച് ക്രമസമാധാന പരിപാലനം ഉറപ്പാക്കാന് സബ് ഡിവിഷണല് മജിസ്ട്രേറ്റ് പ്രത്യേക ഉത്തരവിറക്കി. ഏപ്രില് 23, 24 തീയതികളില് ഘടക പൂരങ്ങള്ക്കെത്തുന്നവര് തക്ക സമയത്തു തന്നെ ആരംഭിച്ച് നിശ്ചിത സമയത്തുതന്നെ അവസാനിപ്പിക്കണം.
പൂരത്തിന്റെ ഭാരവാഹികള്, എഴുന്നള്ളിപ്പിന് കൊണ്ടുവരുന്ന ആനകളുടെ ഉടമസ്ഥൻമാര്, പാപ്പാൻമാര്, ക്രമസമാധാന പാലനത്തിന് നിയോഗിക്കപ്പെട്ട ഉദ്യോഗസ്ഥര് എന്നിവര്ക്കായാണ് ക്രിമിനല് നടപടി നിയമം 144 ആം വകുപ്പ് പ്രകാരമുള്ള പ്രത്യേക ഉത്തരവ് പുറപ്പെടുവിച്ചിട്ടുള്ളത്.
പൂരം നടക്കുന്ന തീയതികളില് ഹെലികോപ്റ്റര്, ഹെലികാം എയര്ഡ്രോണ്, ജിമ്മിജിബ് ക്യാമറ, ലേസര് ഗണ് എന്നിവയുടെ ഉപയോഗം വടക്കുന്നാഥന് ക്ഷേത്ര മൈതാനത്തിനു മുകളിലും സ്വരാജ് റൗണ്ടിലും പൂര്ണമായും നിരോധിച്ചിട്ടുണ്ട്.
കൂടാതെ കാഴ്ചകള് മറക്കുന്ന തരത്തിലുള്ള വലിയ ട്യൂബ് ബലൂണുകള്, ആനകള്ക്കും പൊതുജനങ്ങള്ക്കും അലോസരമുണ്ടാക്കുന്ന ഉച്ചത്തിലുള്ള ശബ്ദങ്ങള് പുറപ്പെടുവിക്കുന്ന വിസിലുകള്, വാദ്യങ്ങള് മറ്റുപകരണങ്ങള് ലേസര് ലൈറ്റുകള് എന്നിവയുടെ ഉപയോഗവും പൂര്ണമായും നിരോധിച്ചിട്ടുണ്ട്.
Read Also: രോഗബാധ 13835, പോസിറ്റിവിറ്റി 17.04%, പരിശോധന 81,211
