ന്യൂഡെൽഹി: പഞ്ചാബ് പിസിസി അധ്യക്ഷ സ്‌ഥാനത്ത് നിന്നുള്ള രാജി നവ്‌ജ്യോത് സിംഗ് സിദ്ദു പിന്‍വലിച്ചു. എന്നും വിശ്വസ്‌തനായ കോണ്‍ഗ്രസ് പ്രവര്‍ത്തകനായി തുടരുമെന്ന് സിദ്ദു പറഞ്ഞു. ഹൈക്കമാൻഡ് നേരത്തെ സിദ്ദുവിന്റെ രാജി അംഗീകരിച്ചിരുന്നില്ല.
ഇതിന് പിന്നാലെ അനുനയ നീക്കങ്ങൾ സജീവമായിരുന്നു. സംസ്‌ഥാന സര്‍ക്കാര്‍ തീരുമാനങ്ങള്‍ എടുക്കുന്നത് തന്നോട് ആലോചിച്ചായിരിക്കണം എന്ന നിബന്ധന നേരത്തെ സിദ്ദു മുന്നോട്ടു വെച്ചിരുന്നു.
എന്നാല്‍ പുതിയ പഞ്ചാബ് മുഖ്യമന്ത്രി കൂടിയാലോചന നടത്താതിരുന്നതോടെ സിദ്ദു അതൃപ്‌തി അറിയിച്ചിരുന്നു. മന്ത്രിസഭാ പുനസംഘടനയെ ചൊല്ലിയും അഭിപ്രായ വ്യത്യാസങ്ങൾ ഉയർന്നിരുന്നു.
പഞ്ചാബ് രാഷ്‌ട്രീയത്തില്‍ അടുത്തിടെയുണ്ടായ പൊട്ടിത്തെറികളിലെല്ലാം സിദ്ദുവിന്റെ സാന്നിധ്യം ഉണ്ടായിരുന്നു എന്നതാണ് വസ്‌തുത. സിദ്ദുവുമായുണ്ടായ തര്‍ക്കത്തെ തുടര്‍ന്നാണ് അമരീന്ദര്‍ സിംഗിന് മുഖ്യമന്ത്രി സ്‌ഥാനം രാജിവെക്കേണ്ടി വന്നത്. ഇതോടെയാണ് ഹൈക്കമാൻഡ് നിലപാട് കടുപ്പിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
