ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനിടെ റിപ്പോർട് ചെയ്‌തത്‌ 7,240 പുതിയ കൊറോണ വൈറസ് കേസുകൾ. ഇന്നലെ റിപ്പോർട് ചെയ്‌തതിനേക്കാൾ 40 ശതമാനം കൂടുതൽ കേസുകളാണ് ഇന്ന് രേഖപ്പെടുത്തിയത്. ഇതുവരെ 4.31 കോടിയിലേറെ പേർക്കാണ് രാജ്യത്ത് കോവിഡ് സ്‌ഥിരീകരിച്ചത്‌.
മഹാരാഷ്‌ട്ര ഉൾപ്പടെ നിരവധി സംസ്‌ഥാനങ്ങളിൽ രോഗബാധ കുത്തനെ ഉയർന്നതായി ആരോഗ്യ മന്ത്രാലയത്തിന്റെ കണക്കുകൾ വ്യക്‌തമാക്കുന്നു. മന്ത്രാലയത്തിന്റെ കണക്കനുസരിച്ച്, രാജ്യത്ത് പ്രതിദിന കേസുകൾ 94 ദിവസത്തിന് ശേഷമാണ് 5,000 കടക്കുന്നത്.
എട്ട് പേർക്കാണ് കഴിഞ്ഞ 24 മണിക്കൂറിനിടെ രാജ്യത്ത് കോവിഡ് മൂലം നഷ്‌ടമായത്‌. ഇതോടെ ആകെ മരണസംഖ്യ 5,24,723 ആയി ഉയർന്നു.
നിലവിൽ 32,498 സജീവ കേസുകളാണ് രാജ്യത്തുള്ളത്.
മഹാരാഷ്‌ട്രയിൽ 2,701 പുതിയ കേസുകളാണ് ബുധനാഴ്‌ച റിപ്പോർട് ചെയ്‌തത്‌. ജനുവരി 25ന് ശേഷമുള്ള ഏറ്റവും ഉയർന്ന പ്രതിദിന കണക്കാണിത്. പുതിയ കേസുകളിൽ 42 ശതമാനം അണുബാധകളും റിപ്പോർട് ചെയ്യപ്പെട്ടത് മുംബൈയിലാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
