ന്യൂഡെല്ഹി: കഴിഞ്ഞ 24 മണിക്കൂറിനിടെ ഇന്ത്യയില് 18,645 പുതിയ കോവിഡ് കേസുകള് കൂടി റിപ്പോര്ട് ചെയ്തു. ഇതോടെ രാജ്യത്ത് ആകെ കോവിഡ് സ്ഥിരീകരിച്ചവരുടെ എണ്ണം 1,04,50,284 ആയി. 2,23,335 സജീവ കേസുകകളാണ് നിലവിലുള്ളത്.
അതേസമയം ഒരു ദിവസത്തിനിടെ 19,299 പേര് രോഗമുക്തി നേടിയതായും ആരോഗ്യ കുടുംബക്ഷേമ മന്ത്രാലയം അറിയിച്ചു. 1,00,75,950 പേരാണ് ഇതുവരെ രോഗമുക്തി നേടിയത്. മാത്രവുമല്ല 201 മരണങ്ങളും റിപ്പോര്ട് ചെയ്തിട്ടുണ്ട്. 1,50,999 പേര്ക്കാണ് ഇതുവരെ രാജ്യത്ത് കോവിഡ് മൂലം ജീവന് നഷ്ടമായത്.
64,516 സജീവ കേസുകളുള്ള കേരളത്തിലാണ് നിലവില് രാജ്യത്ത് ഏറ്റവുമധികം കോവിഡ് രോഗികളുള്ളത്. മഹാരാഷ്ട്രയാണ് സജീവ കോവിഡ് കേസുകളുടെ എണ്ണത്തില് രണ്ടാമതുള്ളത്. 54,129 സജീവ കോവിഡ് കേസുകളാണ് മഹാരാഷ്ട്രയിലുള്ളത്.
ജനുവരി 9 വരെയുള്ള ഇന്ത്യന് കൗണ്സില് ഓഫ് മെഡിക്കല് റിസര്ച്ചിന്റെ (ഐസിഎംആര്) കണക്കുകള് പ്രകാരം രാജ്യത്ത് 18,10,96,622 സാമ്പിളുകളുടെ പരിശോധനയാണ് പൂര്ത്തീകരിച്ചത്.
ഇന്ത്യയുടെ കോവിഡ് പോസിറ്റിവിറ്റി നിരക്ക് 5.79 ശതമാനമായി കുറഞ്ഞുവെന്നും രാജ്യത്തെ ആകെയുള്ള കോവിഡ് കേസുകളില് 2.15 ശതമാനം മാത്രമാണ് സജീവ കേസുകളെന്നും കേന്ദ്ര ആരോഗ്യ മന്ത്രാലയം അറിയിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
