ന്യൂഡല്ഹി: രാജ്യാന്തര റോമിങ് സേവനം ഇനി മൊബൈല് ഫോണില് ലഭിക്കണമെങ്കില് ഉപയോക്താക്കൾ ആവശ്യപ്പെടണം. ഈ സേവനം ഒഴിവാക്കി മൊബൈല് കണക്ഷനുകള് ക്രമീകരിക്കാന് ടെലികോം അതോറിറ്റി (ട്രായ്) ഉത്തരവിട്ടു. ആക്റ്റിവേറ്റ് ചെയ്താലുംആവശ്യമില്ലെങ്കില് ഒഴിവാക്കാം.
ടെലികോം ഉപഭോക്തൃ സംരക്ഷണ നിയമത്തില് ഈ ഭേദഗതി വരുത്തി വിഞ്ജാപനം പുറപ്പെടുവിച്ചു. വിദേശ യാത്രയില് പലരും റോമിങ് നിരക്ക് അറിയാതെ മൊബൈല് ഉപയോഗിക്കുകയും അധിക ബില് നല്കേണ്ടി വരികയും ചെയ്യുന്നതു പതിവായിരുന്നു. നിരക്ക് പരിമിതപ്പെടുത്താന് സാധിക്കില്ലെന്നു മൊബൈല് സേവന ദാതാക്കള് ട്രായിയെ അറിയിച്ചിരുന്നു. വിദേശ ടെലികോം സേവന ദാതാക്കളുമായി കരാറില് ഏര്പ്പെട്ടിരിക്കുന്നതിനെ തുടര്ന്നാണിത്. ഈ പശ്ചാത്തലത്തിലാണ് ഉത്തരവ്.
Also Read: രാഹുല് ഗാന്ധിയെ തടഞ്ഞ നടപടി; അസമില് കോണ്ഗ്രസ് പ്രതിഷേധം
