തിരുവനന്തപുരം: സംസ്ഥാനത്ത് ഏറ്റവും കൂടുതൽ രോഗികളുമായി കോഴിക്കോട് അപകടകരമായ സ്ഥാനത്ത് തുടരുന്നു. 1146 പേരാണ് ഇന്ന് കോഴിക്കോട് നിന്ന് മാത്രമുള്ള രോഗ ബാധിതർ. തിരുവനന്തപുരം, എറണാകുളം, മലപ്പുറം എന്നീ ജില്ലകളിലും രോഗബാധ ആയിരത്തിന് മുകളിൽ തുടരുന്നു. സംസ്ഥാനത്ത് രോഗമുക്തി നേടിയത് 4092 പേരാണ്. ആകെ രോഗബാധ 9258 സ്ഥിരീകരിച്ചപ്പോള് മരണ സംഖ്യ 20 ആണ്. സമ്പര്ക്ക രോഗികള് 8274 ഇന്നുണ്ട്. ഉറവിടം അറിയാത്ത 657 രോഗബാധിതരും, 77,482 പേർ നിലവിൽ ചികിൽസയിലുമുണ്ട്. 93 ആരോഗ്യ പ്രവര്ത്തകര്ക്ക് രോഗം സ്ഥിരീകരിച്ചു. 63 പുതിയ ഹോട്ട് സ്പോട്ടുകളും നിലവിൽ വന്നു.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 476
കണ്ണൂർ: 625
വയനാട്: 108
കോഴിക്കോട്: 1146
മലപ്പുറം: 1016
പാലക്കാട്: 633
തൃശ്ശൂർ: 812
എറണാകുളം: 1042
ആലപ്പുഴ: 605
കോട്ടയം: 432
ഇടുക്കി: 136
പത്തനംതിട്ട: 239
കൊല്ലം: 892
തിരുവനന്തപുരം: 1096
ഇന്ന് കോവിഡില് നിന്ന് മുക്തി നേടിയവര് 4092, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 357, കൊല്ലം 295, പത്തനംതിട്ട 218, ആലപ്പുഴ 342, കോട്ടയം 174, ഇടുക്കി 93, എറണാകുളം 212, തൃശൂര് 270, പാലക്കാട് 221, മലപ്പുറം 951, കോഴിക്കോട് 423, വയനാട് 75, കണ്ണൂര് 303, കാസര്ഗോഡ് 158. ഇനി ചികിത്സയിലുള്ളത് 77,482. ഇതുവരെ ആകെ 1,35,144 പേര് കോവിഡില് നിന്നും മുക്തി നേടി.
Most Read: രാഹുലിനെ തടഞ്ഞ സംഭവം; പോലീസ് നടപടി അംഗീകരിക്കാന് സാധിക്കില്ലെന്ന് ശിവസേന
ആകെ 9258 രോഗബാധിതരില്, രോഗം സ്ഥിരീകരിച്ച 47 പേര് വിദേശ രാജ്യങ്ങളില് നിന്ന് വന്നവരാണ്. ഇതര സംസ്ഥാനങ്ങളില് നിന്നും വന്ന 184 പേര്ക്കും കോവിഡ് സ്ഥിരീകരിച്ചു. ഇന്നത്തെ രോഗ ബാധിതരില് 657 പേരുടെ സമ്പര്ക്ക ഉറവിടം വ്യക്തമല്ല. സമ്പര്ക്കത്തിലൂടെ 8274 പേര്ക്കാണ് കോവിഡ് ബാധിച്ചത്. കാസര്ഗോഡ് 451, കണ്ണൂര് ജില്ലയില് നിന്നുള്ള 475 പേര്ക്കും, കോഴിക്കോട് 1109, മലപ്പുറം 929, വയനാട് ജില്ലയില് നിന്നുള്ള 103 പേര്ക്കും, പാലക്കാട് ജില്ലയില് നിന്നുള്ള 441 പേര്ക്കും, തൃശൂര് ജില്ലയില് നിന്നുള്ള 807 പേര്ക്കും, എറണാകുളം 851, ആലപ്പുഴ ജില്ലയില് നിന്നുള്ള 590 പേര്ക്കും, ഇടുക്കി 99, കോട്ടയം 421, കൊല്ലം ജില്ലയില് നിന്നുള്ള 881 പേര്ക്കും, പത്തനംതിട്ട ജില്ലയില് നിന്നുള്ള 161, തിരുവനന്തപുരം ജില്ലയില് നിന്നുള്ള 956 പേര്ക്കുമാണ് സമ്പര്ക്കത്തിലൂടെ ഇന്ന് രോഗം ബാധിച്ചത്.
സംസ്ഥാനത്ത് ആകെ കോവിഡ് മരണം ഇത് വരെ 791 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 20 ആണ്. തിരുവനന്തപുരം പേരൂര്ക്കട സ്വദേശി തങ്കപ്പന് (82), പൂവാര് സ്വദേശി ശശിധരന് (63), ചപ്പാത്ത് സ്വദേശി അബ്ദുള് അസീസ് (52), പോത്തന്കോട് സ്വദേശി ഷാഹുല് ഹമീദ് (66), കൊല്ലം ഓയൂര് സ്വദേശി ഫസിലുദീന് (76), കൊല്ലം സ്വദേശി ശത്രുഘനന് ആചാരി (86), കരുനാഗപ്പള്ളി സ്വദേശി രമേശന് (63), തങ്കശേരി സ്വദേശി നെല്സണ് (56), കരുനാഗപ്പള്ളി സ്വദേശി സുരേന്ദ്രന് (66), മയ്യനാട് സ്വദേശി എം.എം. ഷെഫി (68), ആലപ്പുഴ എടത്വ സ്വദേശിനി റസീന (43), നൂറനാട് സ്വദേശി നീലകണ്ഠന് നായര് (92), കനാല് വാര്ഡ് സ്വദേശി അബ്ദുള് ഹമീദ് (73), കോട്ടയം വെള്ളിയേപ്പിള്ളി സ്വദേശി പി.എന്. ശശി (68), മറിയന്തുരത്ത് സ്വദേശിനി സുഗതമ്മ (78), മറിയന്തുരത്ത് സ്വദേശിനി സരോജിനിയമ്മ (81), കുമരകം ഈസ്റ്റ് സ്വദേശിനി സുശീല (54), എറണാകുളം മട്ടാഞ്ചേരി സ്വദേശിനി നിര്മല (74), കരിഗാകുറത്ത് സ്വദേശി പി.വി. വിജു (42), കോഴിക്കോട് കുറ്റിയാടി സ്വദേശിനി ദേവി (75) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.
Must Read: പ്രധാന മന്ത്രി മൗനം വെടിയണം; ചന്ദ്ര ശേഖര് ആസാദ്
ഇന്ന് രോഗം ബാധിച്ചത് 93 ആരോഗ്യ പ്രവർത്തകർക്കാണ്. തിരുവനന്തപുരത്ത് നിന്ന് മാത്രം 27 ആരോഗ്യ പ്രവർത്തകരും, തൊട്ടടുത്ത് കണ്ണൂർ 23 പേരുമായും, കൂടാതെ എറണാകുളം 11, കാസർഗോഡ് 06, പത്തനംതിട്ട 05, കോഴക്കോട് 05, കോട്ടയം 04, വയനാട് 04, ആലപ്പുഴ 03, കൊല്ലം 02, തൃശ്ശൂർ 02, മലപ്പുറം ഒന്ന് എന്നിങ്ങനെയാണ് ആരോഗ്യ പ്രവർത്തകരുടെ രോഗബാധ. ഇതുകൂടാതെ എറണാകുളം ജില്ലയിലെ 03 നേവൽ ബേസ് ജീവനക്കാർക്കും കോവിഡ് സ്ഥിരീകരിച്ചു.
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 63,175 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് എന്നിവ ഉള്പ്പെടെ ഇതുവരെ ആകെ 30,49,791 സാമ്പിളുകളാണ് പരിശോധനക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 2,13,499 സാമ്പിളുകളും പരിശോധനക്കയച്ചിട്ടുണ്ട്.
ഇന്ന് സംസ്ഥാനത്ത് ഒഴിവാക്കപ്പെട്ടത് 15 ഹോട്ട് സ്പോട്ടുകളാണ്; ഇനി 705 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്. ഒഴിവാക്കപ്പെട്ട ഹോട്ട് സ്പോട്ടുകളുടെ പേര് വിവരങ്ങൾ ലഭ്യമായിട്ടില്ല.
Also read: ‘ഇതാണോ ജനാധിപത്യം? ഇതാണോ നിയമ വാഴ്ച’; യോഗി ആദിത്യ നാഥിനെതിരെ പ്രശാന്ത് ഭൂഷണ്
സംസ്ഥാനത്തിന്റെ വിവിധ ഭാഗങ്ങളിലായി ഇന്ന് നിലവില് വന്നത് 63ഹോട്ട് സ്പോട്ടുകളാണ്; ഹോട്ട് സ്പോട്ടുകളുടെ പേരു വിവരങ്ങൾ സർക്കാർ ലഭ്യമാക്കിയിട്ടില്ല. 3599 പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 2,46,631 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില് 2,15,778 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 30,853 പേര് ആശുപത്രികളിലുമാണ്.
Read More: രാജ്യത്ത് വീണ്ടും ദുരഭിമാനക്കൊല; ഹൈദരാബാദില് യുവാവിനെ കൊലപ്പെടുത്തി
