തിരുവനന്തപുരം: നാലായിരം കടന്ന് ഇന്നും കോവിഡ് വ്യാപനം. സംസ്ഥാനത്ത് ഇന്ന് രോഗമുക്തി നേടിയത് 2744 പേരാണ്. ആകെ രോഗബാധ 4167 സ്ഥിരീകരിച്ചപ്പോള് മരണ സംഖ്യ 12 ആണ്. സമ്പര്ക്ക രോഗികള് 3849 ഇന്നുണ്ട്. തിരുവനന്തപുരം ജില്ലയില് നിന്ന് മാത്രം 926 പേര്ക്ക് രോഗം സ്ഥിരീകരിച്ചു. ഇന്ന് പുതുതായി 18 ഹോട്ട് സ്പോട്ടുകള് നിലവില് വന്നു. തുരുവനന്തപുരത്ത് മാത്രം ഇന്ന് 926 പേർക്ക് രോഗബാധ സ്ഥിരീകരിച്ചപ്പോൾ 893 പേർക്കും സമ്പർക്ക രോഗബാധയാണ് സംഭവിച്ചത്. ഇതോടെ സംസ്ഥാനത്ത് സമ്പർക്ക നിരക്ക് 95 ശതമാനമായി ഉയർന്നു.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 145
കണ്ണൂർ: 330
വയനാട്: 68
കോഴിക്കോട്: 404
മലപ്പുറം: 297
പാലക്കാട്: 268
തൃശ്ശൂർ: 326
എറണാകുളം: 348
ആലപ്പുഴ: 274
കോട്ടയം: 225
ഇടുക്കി: 100
പത്തനംതിട്ട: 101
കൊല്ലം: 355
തിരുവനന്തപുരം: 926
ഇന്ന് കോവിഡില് നിന്ന് മുക്തി നേടിയവര് 2744 ആണ്, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 488, കൊല്ലം 345, പത്തനംതിട്ട 128, ആലപ്പുഴ 146, കോട്ടയം 112, ഇടുക്കി 73, എറണാകുളം 221, തൃശൂര് 142, പാലക്കാട് 118, മലപ്പുറം 265, കോഴിക്കോട് 348, വയനാട് 79, കണ്ണൂര് 169, കാസര്ഗോഡ് 110. ഇനി ചികിത്സയിലുള്ളത് 35,724. ഇതുവരെ ആകെ 90,089 പേര് കോവിഡില് നിന്നും മുക്തി നേടി.
ആകെ 4167 രോഗബാധിതരില്, രോഗം സ്ഥിരീകരിച്ച 48 പേര് വിദേശ രാജ്യങ്ങളില് നിന്ന് വന്നവരാണ്. ഇതര സംസ്ഥാനങ്ങളില് നിന്നും വന്ന 165 പേര്ക്കും കോവിഡ് സ്ഥിരീകരിച്ചു. ഇന്നത്തെ രോഗ ബാധിതരില് 410 പേരുടെ സമ്പര്ക്ക ഉറവിടം വ്യക്തമല്ല. സമ്പര്ക്കത്തിലൂടെ 3849 പേര്ക്കാണ് കോവിഡ് ബാധിച്ചത്. കാസര്ഗോഡ് 122, കണ്ണൂര് ജില്ലയില് നിന്നുള്ള 283 പേര്ക്കും, കോഴിക്കോട് 384, മലപ്പുറം 283, വയനാട് ജില്ലയില് നിന്നുള്ള 61 പേര്ക്കും, പാലക്കാട് ജില്ലയില് നിന്നുള്ള 228 പേര്ക്കും, തൃശൂര് ജില്ലയില് നിന്നുള്ള 312 പേര്ക്കും, എറണാകുളം 314, ഇടുക്കി 70, കോട്ടയം 223, കൊല്ലം ജില്ലയില് നിന്നുള്ള 342 പേര്ക്കും, ആലപ്പുഴ ജില്ലയില് നിന്നുള്ള 259 പേര്ക്കും, പത്തനംതിട്ട ജില്ലയില് നിന്നുള്ള 75, തിരുവനന്തപുരം ജില്ലയില് നിന്നുള്ള 893 പേര്ക്കുമാണ് സമ്പര്ക്കത്തിലൂടെ ഇന്ന് രോഗം ബാധിച്ചത്.
സംസ്ഥാനത്ത് ആകെ കോവിഡ് മരണം ഇത് വരെ 501 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 12 ആണ്. സെപ്റ്റംബര് 9ന് മരണമടഞ്ഞ എറണാകുളം തോപ്പില്ക്കാട് സ്വദേശിനി പാര്വതി (75), സെപ്റ്റംബര് 11ന് മരണമടഞ്ഞ തിരുവനന്തപുരം തിരുമല സ്വദേശി പ്രതാപചന്ദ്രന് (75), കൊല്ലം തങ്കശേരി സ്വദേശിനി മാര്ഗറ്റ് (68), തൃശൂര് മുണ്ടൂര് സ്വദേശി ഔസേപ്പ് (87), തൂത്തുക്കുടി സ്വദേശിനി അഞ്ജല (55), തിരുവനന്തപുരം ബാലരാമപുരം സ്വദേശി രാജന് (53), തിരുവനന്തപുരം പൂന്തുറ സ്വദേശിനി മേഴ്സ്ലി (72), പാലക്കാട് ചേമ്പ്ര സ്വദേശി സൈദാലി (58), സെപ്റ്റംബര് 13ന് മരണമടഞ്ഞ കാസര്ഗോഡ് പടന്ന സ്വദേശിനി സഫിയ (79), സെപ്റ്റംബര് 14ന് മരണമടഞ്ഞ മലപ്പുറം പൂക്കയില് സ്വദേശിനി സുഹറ (58) മലപ്പുറം കോക്കൂര് സ്വദേശി കുഞ്ഞിമുഹമ്മദ് (85), സെപ്റ്റംബര് 15ന് മരണമടഞ്ഞ മലപ്പുറം എടക്കര സ്വദേശി അബ്ദുറഹ്മാന് (68) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.
Related News: രോഗബാധ യുവാക്കളില് അധികം; കൂടുതല് ജാഗ്രത അനിവാര്യം
ഇന്ന് രോഗം ബാധിച്ചത് 102 ആരോഗ്യ പ്രവര്ത്തകര്ക്കാണ്. തിരുവനന്തപുരം ജില്ലയില് നിന്ന് മാത്രം 27 ആരോഗ്യ പ്രവര്ത്തകരും, കണ്ണൂര് 22, മലപ്പുറം 09, കൊല്ലം 08, തൃശ്ശൂർ 08, കാസര്ഗോഡ് 08, പത്തനംതിട്ട 07, കോഴിക്കോട് 06, എറണാകുളം 05, ആലപ്പുഴ 01, പാലക്കാട് ഒരാള് എന്നിങ്ങനെയാണ് ആരോഗ്യ പ്രവര്ത്തകരുടെ രോഗബാധ. എറണാകുളം ജില്ലയിൽ 3 നേവൽ ബേസ് ജീവനക്കാർക്കും രോഗം സ്ഥിരീകരിച്ചു.
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 47,723 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെന്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആന്റിജെന് അസ്സെ എന്നിവ ഉള്പ്പെടെ ഇതുവരെ ആകെ 23,36,217 സാമ്പിളുകളാണ് പരിശോധനക്കായി അയച്ചത്. സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,94,451 സാമ്പിളുകളും പരിശോധനക്കയച്ചിട്ടുണ്ട്.
ഇന്ന് സംസ്ഥാനത്ത് ഒഴിവാക്കപ്പെട്ടത് 12 ഹോട്ട് സ്പോട്ടുകളാണ്; ഇനി 614ഹോട്ട് സ്പോട്ടുകളാണ് സംസ്ഥാനത്ത് ഉള്ളത്. ഒഴിവാക്കപ്പെട്ട ഹോട്ട് സ്പോട്ടുകളുടെ പേര് വിവരങ്ങൾ ലഭ്യമായിട്ടില്ല.
സംസ്ഥാനത്തിന്റെ വിവിധ ഭാഗങ്ങളിലായി ഇന്ന് നിലവില് വന്നത് 18 ഹോട്ട് സ്പോട്ടുകളാണ്; പത്തനംതിട്ട ജില്ലയിലെ നെടുമ്പ്രം (കണ്ടൈന്മെന്റ് സോണ് വാര്ഡ് 5), ആറന്മുള (17), കോന്നി (സബ് വാര്ഡ് 16), ഏഴംകുളം (12), റാന്നി അങ്ങാടി (സബ് വാര്ഡ് 7), തൃശൂര് ജില്ലയിലെ ഇരിങ്ങാലക്കുട (9), പാവറട്ടി (സബ് വാര്ഡ് 3), മുല്ലശേരി (സബ് വാര്ഡ് 15), കടുക്കുറ്റി (സബ് വാര്ഡ് 9), ആലപ്പുഴ ജില്ലയിലെ മാവേലിക്കര തെക്കേക്കര (സബ് വാര്ഡ് 7), അമ്പലപ്പുഴ നോര്ത്ത് (16), വീയപുരം (സബ് വാര്ഡ 1), ഇടുക്കി ജില്ലയിലെ കാഞ്ചിയാര് (14), കടയത്തൂര് (സബ് വാര്ഡ് 3, 4, 8), കോട്ടയം ജില്ലയിലെ ചിറക്കടവ് (11), മുളക്കുളം (8), വയനാട് ജില്ലയിലെ അമ്പലവയല് (സബ് വാര്ഡ് 7), കൊല്ലം ജില്ലയിലെ ഉമ്മന്നൂര് (10) എന്നിവയാണ് ഹോട്ട് സ്പോട്ടുകള്.
3282 പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 2,16,262 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,91,628 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 24,634 പേര് ആശുപത്രികളിലുമാണ്.
Movie News: ഒടുവിൽ ഒത്തു തീർപ്പ്; “രണ്ടാമൂഴം’ സിനിമയാക്കില്ല
