തിരുവനന്തപുരം: സർക്കാർ ഇന്ന് പുറത്ത് വിട്ട കണക്കനുസരിച്ച് കഴിഞ്ഞ 24 മണിക്കൂറിനുള്ളിൽ 64,577 സാമ്പിൾ പരിശോധന വിധേയമാക്കി. ഇതിൽ 5,296 പേർക്കാണ് കോവിഡ് സ്ഥിരീകരിച്ചത്. രോഗമുക്തി നേടിയവർ 2,404 പേരും കോവിഡ് മരണം സ്ഥിരീകരിച്ചത് 35 പേർക്കുമാണ്. ഇന്നത്തെ ടെസ്റ്റ് പോസിറ്റിവിറ്റി ശതമാനം 8.2%വും ചികിൽസയിലുള്ളത് 27,859 പേരുമാണ്.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 71
കണ്ണൂർ: 289
വയനാട്: 118
കോഴിക്കോട്: 551
മലപ്പുറം: 210
പാലക്കാട്: 201
തൃശ്ശൂർ: 437
എറണാകുളം: 1086
ആലപ്പുഴ: 223
കോട്ടയം: 289
ഇടുക്കി: 142
പത്തനംതിട്ട: 261
കൊല്ലം: 302
തിരുവനന്തപുരം: 1116
സമ്പര്ക്ക രോഗികള് 4,896 ഇന്നുണ്ട്. ഉറവിടം അറിയാത്ത 276 രോഗബാധിതരും, 27,859 പേർ നിലവിൽ ചികിൽസയിലുമുണ്ട്. ആരോഗ്യരംഗത്തുള്ള 48 പേർക്കാണ് ഇന്ന് രോഗബാധ സ്ഥിരീകരിച്ചത്. സമ്പർക്ക രോഗികളുടെ ശതമാനകണക്ക് നോക്കിയാൽ അത് 92.45 ശതമാനമാണ്. ഇന്നത്തെ 5,296 രോഗബാധിതരില് 76 പേർ യാത്രാചരിത്രം ഉള്ളവരാണ്.
Most Read: വീണ്ടും വിസ്തരിക്കാൻ മതിയായ കാരണം വേണം; നടിയെ ആക്രമിച്ച കേസിൽ ഹൈക്കോടതി
ഇന്ന് കോവിഡില് നിന്ന് മുക്തി നേടിയവര് 2,404, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 655, കൊല്ലം 30, പത്തനംതിട്ട 220, ആലപ്പുഴ 86, കോട്ടയം 283, ഇടുക്കി 58, എറണാകുളം 230, തൃശൂര് 261, പാലക്കാട് 63, മലപ്പുറം 53, കോഴിക്കോട് 267, വയനാട് 30, കണ്ണൂര് 136, കാസര്ഗോഡ് 32. ഇനി ചികിൽസയിലുള്ളത് 27,859. ഇതുവരെ ആകെ 51,95,497 പേര് കോവിഡില് നിന്നും മുക്തി നേടി.
സംസ്ഥാനത്ത് ആകെ കോവിഡ് മരണം ഇത് വരെ 49,305 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 35 ആണ്. ഇതുകൂടാതെ മതിയായ രേഖകളില്ലാത്തത് സുപ്രീംകോടതി വിധിപ്രകാരം കേന്ദ്രസര്ക്കാരിന്റെ പുതിയ മാര്ഗനിര്ദേശമനുസരിച്ച് അപ്പീല് നല്കിയ 154 മരണങ്ങളും റിപ്പോര്ട്ട് ചെയ്തിട്ടുണ്ട്. ആരോഗ്യ രംഗത്ത് നിന്ന് 48 പേർക്കാണ് ഇന്ന് രോഗബാധ സ്ഥിരീകരിച്ചത്.
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 64,577 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങളിലായി 6 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.
സംസ്ഥാനത്തെ വിവിധ ജില്ലകളിലായി 1,07,164 പേരാണ് ഇപ്പോള് നിരീക്ഷണത്തിലുള്ളത്. ഇവരില് 1,04,730 പേര് വീട്/ഇൻസ്റ്റിറ്റ്യൂഷണൽ ക്വാറന്റെയ്നിലും 2434 പേര് ആശുപത്രികളിലും നിരീക്ഷണത്തിലാണ്. 240 പേരെയാണ് ഇന്ന് പുതുതായി ആശുപത്രിയിൽ പ്രവേശിപ്പിച്ചത്.
Film News: മോഹൻലാൽ- പൃഥ്വിരാജ് ചിത്രം ‘ബ്രോ ഡാഡി’; കൈയ്യടിനേടി ട്രെയ്ലർ
