തിരുവനന്തപുരം : കേരള ഗവര്ണര് ആരിഫ് മുഹമ്മദ് ഖാന് കോവിഡ് സ്ഥിരീകരിച്ചു. അദ്ദേഹം തന്നെയാണ് ഇക്കാര്യം ട്വിറ്ററിലൂടെ അറിയിച്ചത്. ആശങ്കപ്പെടേണ്ടതിന്റെ ആവശ്യം ഇല്ലെന്നും, താനുമായി സമ്പര്ക്കത്തില് ഉണ്ടായിരുന്ന എല്ലാവരും പരിശോധനക്ക് വിധേയരാകുകയോ, സ്വയം നിരീക്ഷണത്തില് പോകുകയോ ചെയ്യണമെന്ന് അദ്ദേഹം തന്റെ ട്വീറ്റില് വ്യക്തമാക്കി. രാജ്ഭവനിൽ ഐസൊലേഷനിൽ കഴിയുന്ന ഗവർണറുടെ ആരോഗ്യനില തൃപ്തികരമാണെന്ന് രാജ്ഭവൻ വൃത്തങ്ങൾ അറിയിച്ചു.
Hon’ble Governor Shri Arif Mohammed Khan said :”I have tested positive for Covid19.But, there is no cause for concern. However, I request all those who had contact with me in NewDelhi last week to test for Covid, or be under observation to be on the safe side”:PRO,KeralaRajBhavan
— Kerala Governor (@KeralaGovernor) November 7, 2020
രാജ്ഭവനില് ഇന്ന് നടത്തിയ കോവിഡ് പരിശോധനയിലാണ് ഗവര്ണര്ക്ക് കോവിഡ് സ്ഥിരീകരിച്ചത്. കഴിഞ്ഞ ഒരാഴ്ചയായി വിവിധ പരിപാടികള്ക്കായി ഗവര്ണര് ഡെല്ഹിയില് ആയിരുന്നു. അവിടെ വച്ച് താനുമായി സമ്പര്ക്കത്തില് ഉണ്ടായിരുന്ന എല്ലാവരോടും ജാഗ്രത പുലര്ത്തണമെന്ന് അദ്ദേഹം ആവശ്യപ്പെട്ടിട്ടുണ്ട്. ഗവര്ണര്ക്ക് ഒപ്പം തന്നെ അദ്ദേഹത്തിന്റെ സുരക്ഷ ചുമതല ഉണ്ടായിരുന്ന കേരള ഹൗസ് ജീവനക്കാരനും ഇന്ന് കോവിഡ് സ്ഥിരീകരിച്ചിട്ടുണ്ട്.
Read also : ബിനീഷിനെ കസ്റ്റഡിയിൽ ചോദ്യം ചെയ്യണം; നർക്കോട്ടിക് കൺട്രോൾ ബ്യൂറോ
