കൊച്ചി: തദ്ദേശ തെരഞ്ഞെടുപ്പുമായി ബന്ധപ്പെട്ട് സംവരണ വാര്ഡ് നിര്ണയത്തിനെതിരെ സമര്പ്പിച്ച ഹരജികള് ഹൈക്കോടതി തള്ളി. തദ്ദേശസ്വയംഭരണ തെരഞ്ഞെടുപ്പില് തുടര്ച്ചയായി മൂന്നു തവണ സംവരണ സീറ്റായി നിശ്ചയിച്ച നടപടി ചോദ്യം ചെയ്ത് സമര്പ്പിച്ച 87 ഹരജികളാണ് ഹൈക്കോടതി തള്ളിയത്.
പാലാ മുനിസിപ്പാലിറ്റി, കാലടി ഗ്രാമ പഞ്ചായത്ത് എന്നിവടങ്ങളിലെ ഓരോ വാര്ഡുകളിലെ സംവരണ സീറ്റ് നിര്ണയം പുനപരിശോധിക്കാന് നിര്ദേശിച്ചുകൊണ്ട് കോടതി വിധി പ്രസ്താവിച്ച പശ്ചാത്തലത്തിലാണ് വാര്ഡ് നിര്ണയത്തിനെതിരെ കോടതി മുമ്പാകെ നിരവധി ഹരജികള് എത്തിയത്.
എന്നാല് തെരഞ്ഞെടുപ്പ് നടപടിക്രമങ്ങള് ആരംഭിച്ചതിനാല് വാര്ഡുകളുടെ പുനര്നിര്ണയം ബുദ്ധിമുട്ടാണെന്ന് തെരഞ്ഞെടുപ്പു കമ്മീഷന് കോടതിയില് ബോധിപ്പിച്ചു. ഇത് അംഗീകരിച്ചാണ് ഹൈക്കോടതി ഹരജികള് തള്ളിയത്.
Read Also: ബിജെപിയുടെ നേട്ടം മോദിയുടെ വിജയമെന്ന് ചിരാഗ് പാസ്വാന്
