കൊച്ചി: പഞ്ചാബിലെ ജലന്ധറിൽ മലയാളി കന്യാസ്‌ത്രീ സി മേരി മേഴ്‌സി മരിച്ച സംഭവത്തിൽ ദുരൂഹതയുണ്ടെന്ന് കുടുംബം. മേരി ആത്‌മഹത്യ ചെയ്യില്ലെന്നും മരണത്തിന്റെ തലേന്നും ഫോണിൽ സംസാരിച്ചിരുന്നുവെന്നും സഹോദരൻ മാർട്ടിൻ പറഞ്ഞു.
അർത്തുങ്കൽ കാക്കരിയിൽ ജോൺ ഔസേഫിന്റെ മകൾ മേരി മേഴ്‌സി(31) ആണ്‌ മരിച്ചത്‌. ചൊവ്വാഴ്‌ച ആത്‌മഹത്യ ചെയ്‌തെന്നാണ് സഭാ അധികൃതർ വീട്ടുകാരെ അറിയിച്ചത്. നാലുവർഷമായി സേവനം ചെയ്യുന്ന സാദിഖ് ഔവർലേഡി ഓഫ് അസംപ്ഷൻ കോൺവെന്റിൽ ജീവനൊടുക്കി എന്നാണ് വിവരം.
അതേസമയം സഹോദരി എന്തെങ്കിലും വിഷമതകൾ ഉള്ളതായി പറഞ്ഞിട്ടില്ലെന്ന് മാർട്ടിൻ വ്യക്‌തമാക്കി. അവസാനം വിളിച്ചപ്പോൾ ജൻമദിനത്തില്‍ വിളിക്കാമെന്ന് പറഞ്ഞാണ് ഫോണ്‍ വെച്ചതെന്നും സന്യാസസഭയുടെ എറണാകുളം ആസ്‌ഥാനത്ത് നിന്നാണ് സഹോദരി ആത്‌മഹത്യ ചെയ്‌തതായി അറിയിച്ചതെന്നും സഹോദരന്‍ മാർട്ടിൻ പറഞ്ഞു. സംഭവത്തിൽ വിശദ അന്വേഷണം വേണമെന്നും കുടുംബം ആവശ്യപ്പെട്ടു.
പുനർ പോസ്‌റ്റ്മോർട്ടത്തിന് ശേഷം മൃതദേഹം ആലപ്പുഴ അർത്തുങ്കലിലെ വീട്ടിലെത്തിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
