കൊല്ക്കത്ത: കശ്മീരിനെക്കാള് ഗുരുതരമായ അവസ്ഥയാണ് പശ്ചിമ ബംഗാളിലെന്ന് ബിജെപി സംസ്ഥാന അധ്യക്ഷന് ദിലീപ് ഘോഷ്. തീവ്രവാദികളുടെയും ദേശദ്രോഹികളുടെയും നാടായി മാറിയിരിക്കുകയാണ് മമത ബാനര്ജി ഭരിക്കുന്ന പശ്ചിമ ബംഗാളെന്ന് ദിലീപ് ഘോഷ് ആരോപിച്ചു.
‘വടക്കന് ബംഗാളില് നിന്ന് 6 അല്ഖ്വയ്ദ ഭീകരരെയാണ് അറസ്റ്റ് ചെയ്തതത്. സംസ്ഥാനത്ത് ഇവര്ക്ക് ശക്തവും വ്യാപകവുമായ വേരുണ്ട്. ബംഗാളില് നിന്ന് ഭീകരര് പരിശീലനം നേടി ബംഗ്ളാദേശിലേക്ക് എത്തുന്നുവെന്ന് ബംഗ്ളാദേശി നേതാവ് ഖാലിദ സിയ പോലും പറയുകയുണ്ടായി. ഇന്ത്യയില് വേരോട്ടമുള്ള പല ഭീകര പ്രസ്ഥാനങ്ങളുടെയും കേന്ദ്രം ബംഗാളാണ്’ – ഘോഷ് പറഞ്ഞു.
ബിജെപിയുടെ പ്രചരണ പരിപാടിയില് വച്ചായിരുന്നു ഘോഷിന്റെ ആരോപണം. രാജ്യത്തിന് പുറത്തു നിന്നുള്ള രോഹിങ്ക്യന് അഭയാര്ഥികളാണ് മുഖ്യമന്ത്രി മമത ബാനര്ജിയുടെ തൃണമൂല് കോണ്ഗ്രസിനായി വോട്ടു ചെയ്യുന്നതെന്നും ഘോഷ് ആരോപിച്ചു.
