ഉദ്യോഗസ്ഥർക്ക് മുൻപിൽ ആത്മഹത്യ ഭീഷണി മുഴക്കുന്ന യുവാവ്
കണ്ണൂര്: പാപ്പിനിശ്ശേരി തുരുത്തിയില് ദേശീയ പാതാ അധികൃതര് സ്ഥലം ഏറ്റെടുക്കാന് എത്തിയതിനെത്തുടര്ന്ന് പ്രദേശവാസി ദേഹത്ത് പെട്രോള് ഒഴിച്ച് ആത്മഹത്യക്ക് ശ്രമിച്ചു. പ്രദേശവാസിയായ രാഹുല് കൃഷ്ണയാണ് ആത്മഹത്യക്ക് ശ്രമിച്ചത്.
റോഡ് നിര്മ്മിക്കുന്നതിനായി രാവിലെ തന്നെ പ്രദേശത്ത് സ്ഥലമേറ്റെടുപ്പ് നടപടികള് നടക്കുന്നുണ്ട്. സമ്മതം നല്കിയവരുടെ സ്ഥലവും ഭൂമിയുമാണ് ആദ്യഘട്ടത്തില് അളന്നത്. പിന്നീട് ഉച്ചയോടുകൂടിയാണ് മറ്റ് ഭാഗങ്ങള് അളക്കുന്നതിലേക്ക് കടന്നത്. ഈ സമയത്തായിരുന്നു രാഹുല് കൃഷ്ണയുടെ ഭാഗത്ത് നിന്ന് അപ്രതീക്ഷിത നീക്കമുണ്ടായത്.
സ്ഥലം ഏറ്റെടുക്കലിനെ തുടര്ന്ന് പ്രദേശത്ത് പ്രതിഷേധമുണ്ടായി. സമരക്കാരും പോലീസുകാരും തമ്മില് ഉന്തും തള്ളുമുണ്ടായി. പ്രദേശത്ത് ആളുകളെ സംഘടിപ്പിച്ചതിനും പ്രതിഷേധത്തിന് നേതൃത്വം നല്കിയതിനും സമരസമിതി നേതാവ് നിഷില് കുമാറിനെ കസ്റ്റഡിയിലെടുത്തു. കൂടുതല് പേരെ കസ്റ്റഡിയിലെടുക്കാനുള്ള ശ്രമത്തിനിടെ വന് പ്രതിഷേധം ഉണ്ടായി.
29 വീടുകളാണ് പരിസരത്തുള്ളത്. 12 വീട്ടുകാര് സ്ഥലം വിട്ടുനല്കാന് സമ്മതം നല്കിയിട്ടുണ്ട് എന്നാണ് റവന്യൂ അധികൃതര് പറയുന്നത്. എന്നാല് വ്യാജ സമ്മതപത്രമാണിതെന്നും അശാസ്ത്രീയമായി റോഡ് നിര്മ്മിക്കുന്നതിനെ തുടര്ന്ന് തങ്ങളുടെ കോളനി ഇല്ലാതാവുമെന്നുമാണ് നാട്ടുകാരുടെ ആരോപണം.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
