വയനാട്: പുതുവല്സര ആഘോഷത്തോട് അനുബന്ധിച്ച് വയനാട്ടിലെ റിസോര്ട്ടുകള്, ഹോംസ്റ്റേകള്, ഹോട്ടലുകള് തുടങ്ങിയവ കേന്ദ്രീകരിച്ച് പരിശോധന കര്ശനമാക്കി പോലീസ്. ആഘോഷങ്ങള്ക്ക് ലഹരി ഉപയോഗിക്കുന്നുണ്ടോ എന്നാണ് പോലീസ് പ്രധാനമായും അന്വേഷിക്കുന്നത്.
ഇക്കാര്യം നേരത്തെ തന്നെ നോട്ടീസിലൂടെ റിസോര്ട്ടുകളെ അറിയിച്ചതായി ജില്ലാ പോലീസ് മേധാവി ജി പൂങ്കുഴലി അറിയിച്ചു.
വാഗമണ് നിശാപാര്ട്ടിയുടെ പശ്ചാത്തലത്തിലാണ് പോലീസ് പരിശോധന വ്യാപിപ്പിക്കുന്നത്. പുതുവല്സരാഘോഷത്തിന് മുന്നോടിയായി പോലീസ് നിയന്ത്രണങ്ങള് കര്ശനമാക്കിയിട്ടുണ്ട്.
പുതുവല്സര ആഘോഷവുമായി ബന്ധപ്പെട്ട് നടത്തുന്ന പരിപാടികള് മുന്കൂട്ടി പോലീസിനെ അറിയിക്കണം. ലഹരി വസ്തുക്കള് ഉപയോഗിച്ചാല് കര്ശന നടപടികളുണ്ടാകുമെന്നും ജില്ലാ പൊലീസ് മേധാവി അറിയിച്ചു. എല്ലാ റിസോര്ട്ടുകള്ക്കും ഇതിനോടകം നോട്ടീസ് നല്കി കഴിഞ്ഞതായി പോലീസ് വ്യക്തമാക്കി.
മാത്രവുമല്ല ഇന്നുമുതല് ജില്ലയുടെ അതിര്ത്തികളിലും പരിശോധന കര്ശനമാക്കും. വാഹനങ്ങള് പരിശോധനകള്ക്ക് ശേഷം മാത്രമേ അതിര്ത്തി കടത്തി വിടുകയുള്ളൂ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
