ബെംഗളൂരു: ജംഗിൾ സഫാരിയുടെ മറവിൽ ബെംഗളൂരുവിലെ സ്വകാര്യ റിസോർട്ടിൽ ലഹരി പാർട്ടി നടത്തിയ കേസിൽ മലയാളി ഉൾപ്പടെ 28 പേർ അറസ്‌റ്റിൽ. അനേക്കലിലെ സ്വകാര്യ റിസോർട്ടിൽ നടത്തിയ പരിശോധനയിലാണ് പ്രതികൾ പിടിയിലായത്. ഇന്നലെ രാത്രിയായിരുന്നു സംഭവം. മരിജ്വാന, കൊക്കെയ്‌ൻ എന്നീ മാരക ലഹരിമരുന്നുകളാണ് പാർട്ടിയിൽ ഉപയോഗിച്ചിരുന്നത്.
റഷ്യയിൽ നിന്ന് മോഡലുകളെയും ഡിജെയെയും സംഘടിപ്പിച്ചായിരുന്നു പാർട്ടി. ഇന്ത്യയിലെ വിവിധ സംസ്‌ഥാനങ്ങളിൽ നിന്നുള്ളവർ പാർട്ടിയിൽ പങ്കെടുത്തിരുന്നു. പാർട്ടിയിൽ പങ്കെടുത്ത എല്ലാവരും ലഹരി ഉപയോഗിച്ചതായി പോലീസ് കണ്ടെത്തി.
കോവിഡ് നിയന്ത്രണങ്ങളും കർഫ്യുവും ഉൾപ്പടെ ലംഘിച്ചുകൊണ്ടാണ് പാർട്ടി നടത്തിയത്. സംഘത്തിൽ ഒരു മലയാളിയാണ് ഉണ്ടായിരുന്നത്. അറസ്‌റ്റിലായവരുടെ വാഹനങ്ങളും പോലീസ് പിടിച്ചെടുത്തു. വലിയ അളവിൽ ലഹരി മരുന്നുകളും കണ്ടെടുത്തുവെന്നാണ് വിവരം.
പോലീസ് സംഘത്തെ കണ്ടപ്പോൾ പാർട്ടിയിൽ പങ്കെടുത്തവർ ഓടി രക്ഷപെടാൻ ശ്രമിച്ചുവെന്നും എന്നാൽ പോലീസ് എല്ലാവരെയും പിടികൂടിയെന്നും പ്രാദേശിക മാദ്ധ്യമങ്ങൾ റിപ്പോർട് ചെയ്യുന്നു. പിടിയിലായവരിൽ കൂടുതലും അന്യസംസ്‌ഥാനങ്ങളിൽ നിന്നുള്ള വിദ്യാർഥികളാണ്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
