തിരുവനന്തപുരം: സംസ്ഥാനത്ത് 7 പേര്ക്ക് കൂടി ഒമൈക്രോൺ സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. പത്തനംതിട്ട (4), ആലപ്പുഴ (2), തിരുവനന്തപുരം (1) എന്നിങ്ങനെയാണ് ഒമൈക്രോൺ സ്ഥിരീകരിച്ചത്. പത്തനംതിട്ട ഒമൈക്രോൺ സ്ഥിരീകരിച്ചവരില് രണ്ട് പേര് (32), (40) യുഎഇയില് നിന്നും, ഒരാള് അയര്ലന്ഡില് നിന്നും (28) എത്തിയവരാണ്.
ഒരാള്ക്ക് (51) സമ്പര്ക്കത്തിലൂടെയാണ് ഒമൈക്രോൺ ബാധിച്ചത്. ആലപ്പുഴയില് രോഗം സ്ഥിരീകരിച്ച ആണ്കുട്ടി (9) ഇറ്റലിയില് നിന്നും, മറ്റൊരാൾ (37) ഖത്തറില് നിന്നും വന്നതാണ്. തിരുവനന്തപുരത്ത് രോഗം സ്ഥിരീകരിച്ചയാള് (48) ടാന്സാനിയയില് നിന്നും വന്നതാണ്.
രാജീവ് ഗാന്ധി സെന്റര് ഫോര് ബയോടെക്നോളജിയില് നടത്തിയ പരിശോധനയിലാണ് ഇവര്ക്ക് ഒമൈക്രോൺ സ്ഥിരീകരിച്ചത്. ഇതോടെ സംസ്ഥാനത്ത് ആകെ ഒമൈക്രോൺ സ്ഥിരീകരിച്ചവരുടെ എണ്ണം 64 ആയി.
Most Read: മൻമോഹൻ സിംഗ് ആയിരുന്നെങ്കിൽ രാജി വച്ചേനെ; മോദിക്കെതിരെ രാഹുൽ ഗാന്ധി
