തിരുവനന്തപുരം: സംസ്ഥാനത്ത് 54 പേര്ക്ക് കൂടി ഒമൈക്രോൺ സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. എറണാകുളം- 12, കോഴിക്കോട്- 10, മലപ്പുറം- 7, തൃശൂര്- 6, കോട്ടയം- 5, തിരുവനന്തപുരം, പാലക്കാട്- 3 വീതം, കൊല്ലം, ആലപ്പുഴ- 2 വീതം, വയനാട്, കണ്ണൂര് ഒന്ന് വീതം എന്നിങ്ങനെയാണ് ഒമൈക്രോൺ സ്ഥിരീകരിച്ചത്.
2 പേര് വിവിധ രാജ്യങ്ങളില് നിന്നും വന്ന ഇതര സംസ്ഥാനക്കാരാണ്. 33 പേര് ലോ റിസ്ക് രാജ്യങ്ങളില് നിന്നും 6 പേര് ഹൈ റിസ്ക് രാജ്യങ്ങളില് നിന്നും വന്നതാണ്. 5 പേര് ഇതര സംസ്ഥാനങ്ങളില് നിന്നും വന്നതാണ്. 10 പേര്ക്ക് സമ്പര്ക്കത്തിലൂടെയാണ് ഒമൈക്രോൺ ബാധിച്ചത്.
ഇതോടെ സംസ്ഥാനത്ത് ആകെ ഒമൈക്രോൺ ബാധിച്ചവരുടെ എണ്ണം 645 ആയി. ലോ റിസ്ക് രാജ്യങ്ങളില് നിന്നും 434 പേരും ഹൈ റിസ്ക് രാജ്യങ്ങളില് നിന്നും ആകെ 107 പേരും എത്തിയിട്ടുണ്ട്. 80 പേര്ക്കാണ് ആകെ സമ്പര്ക്കത്തിലൂടെ രോഗം ബാധിച്ചത്. ഇതര സംസ്ഥാനങ്ങളില് നിന്നും വന്ന 24 പേരാണുള്ളത്.
Most Read: പോലീസ് സ്റ്റേഷന് നേരെ പെട്രോൾ ബോംബ് ആക്രമണം; 2 പേർ അറസ്റ്റിൽ