തിരുവനന്തപുരം: മുതിർന്ന കേരള കോൺഗ്രസ് നേതാവ് പിജെ ജോസഫ് കാർഷിക വികസന സമിതി ചെയർമാനാകും. ക്യാബിനറ്റ് റാങ്കോടെ പദവി നൽകാനുള്ള തീരുമാനത്തിന് അടുത്ത മന്ത്രിസഭാ യോഗത്തിൽ അംഗീകാരം നൽകും. ഇതോടെ കേരള കോൺഗ്രസിന് ലഭിക്കുന്ന ബോർഡുകളുടെ എണ്ണം എട്ടായി.
പാലാ എംഎൽഎ മാണി സി കാപ്പൻ നോർക്ക വൈസ് ചെയർമാനാകും. എന്നാൽ, ബോർഡ്- കോർപറേഷനിലും പരിഗണന വേണമെന്നാണ് കാപ്പന്റെ ആവശ്യം. കാബിനറ്റ് പദവി ലഭിക്കാത്തതിൽ മാണി സി കാപ്പൻ കഴിഞ്ഞ ദിവസം മുഖ്യമന്ത്രിയെ അതൃപ്തി അറിയിച്ചിരുന്നു. മറ്റുള്ള ഘടകകക്ഷികൾക്ക് നൽകുന്ന പരിഗണന തനിക്ക് ലഭിക്കുന്നില്ലെന്നാണ് കാപ്പന്റെ പരാതി.
സർക്കാർ അധികാരത്തിൽ വരുന്നതിന് മുൻപ് ഏഴ് എംഎൽഎമാരുള്ള കേരള കോൺഗ്രസ് രണ്ട് മന്ത്രി സ്ഥാനങ്ങൾ ആവശ്യപ്പെട്ടിരുന്നു. എന്നാൽ, പിന്നീട് നടന്ന സമവായ ചർച്ചകൾക്കൊടുവിൽ ഒരു മന്ത്രി സ്ഥാനവും പിജെ ജോസഫിന് ഒരു ക്യാബിനറ്റ് പദവിയും നൽകാമെന്ന ധാരണയിലാണ് കാര്യങ്ങൾ നീങ്ങിയത്.
Most Read| ഉമ്മൻ ചാണ്ടിക്ക് ശേഷം വിജിലൻസിന് രഹസ്യക്കവചം ശക്തമാക്കി വിഡി സതീശൻ



































