തൃശൂര്‍: തിരുവോണം ബമ്പറിന്റെ രണ്ടാം സമ്മാനമായ ഒരു കോടി രൂപ ജില്ലയിലെ ആറ് വീട്ടമ്മമാര്‍ പങ്കിട്ടു. 100 രൂപ വീതമിട്ട് ഇവര്‍ വാങ്ങിയ രണ്ട് ടിക്കറ്റുകളില്‍ ഒന്നിനാണ് ബമ്പറടിച്ചത്.
കൊടകര ആനത്തടം സ്വദേശികളായ തൈവളപ്പില്‍ ദുര്‍ഗ, അമ്പുക്കുളങ്ങരവീട്ടില്‍ ഓമന, ചിറ്റാട്ടുകരക്കാരന്‍ വീട്ടില്‍ ട്രീസ, കണ്ണേക്കാട്ടുപറമ്പില്‍ അനിത, താളിയക്കുന്നത്ത് വീട്ടില്‍ സിന്ധു, കളപ്പുരക്കല്‍ രതി എന്നിവരാണ് ഒരുമിച്ച് നിന്ന് ഓണം ബമ്പര്‍ കൈക്കലാക്കിയത്. ഓമനയുടെ മകനും ലോട്ടറിവില്‍പ്പനക്കാരനുമായ ശ്രീജിത്തിന്റെ കയ്യില്‍ നിന്നാണ് ഇവര്‍ ടിക്കറ്റ് വാങ്ങിയത്. ടി.ഡി 764733 എന്ന ടിക്കറ്റ് നമ്പറുള്ള ലോട്ടറിയാണ് സമ്മാനം നേടിക്കൊടുത്തത്.
