മലപ്പുറം ജില്ലയിൽ പ്‌ളാസ്‌റ്റിക്‌ നിരോധനം ഒക്‌ടോബർ ഒന്നു മുതൽ
വ്യാപാര സ്‌ഥാപനങ്ങളിലും ഹോട്ടലുകളിൽ പാഴ്‌സൽ വിതരണത്തിനും ഒക്‌ടോബർ ഒന്നു മുതൽ നിരോധിത പ്‌ളാസ്‌റ്റിക്‌ ക്യാരിബാഗുകൾ പൂർണമായി ഒഴിവാക്കാൻ കളക്‌ടർ നിർദേശം നൽകി.
മലപ്പുറം: മാലിന്യ മുക്‌ത നവകേരളം പദ്ധതിയുടെ ഭാഗമായി ജില്ലയിൽ നിരോധിത പ്‌ളാസ്‌റ്റിക്‌ ഉൽപന്നങ്ങൾക്കെതിരെ നടപടി കർശനമാക്കാൻ ജില്ലാ ഭരണകൂടവും തദ്ദേശഭരണ വകുപ്പും തീരുമാനിച്ചു. പ്‌ളാസ്‌റ്റിക്‌ ക്യാരിബാഗുകൾ ഉൾപ്പെടെ ഒറ്റത്തവണ പ്‌ളാസ്‌റ്റിക്‌ ഉൽപന്നങ്ങൾ ജില്ലയിലെ വ്യാപാര സ്ഥാപനങ്ങൾ, ഹോട്ടലുകൾ, കേറ്ററിങ് സ്ഥാപനങ്ങൾ, ബേക്കറികൾ എന്നിവിടങ്ങളിൽ ഒക്‌ടോബർ ഒന്നു മുതൽ ലഭ്യമാകില്ല.
നടപടികളുമായി പൊതുജനങ്ങളും ഉപഭോക്‌താക്കളും വ്യാപാരി സമൂഹവും പൂർണമായി സഹകരിക്കണമെന്ന് കളക്‌ടർ വിആർ വിനോദ് അഭ്യർഥിച്ചു. ജില്ലയിലെ വ്യാപാര സ്‌ഥാപനങ്ങളിലും ഹോട്ടലുകളിൽ പാഴ്‌സൽ വിതരണത്തിനും ഒക്‌ടോബർ ഒന്നു മുതൽ നിരോധിത പ്‌ളാസ്‌റ്റിക്‌ ക്യാരിബാഗുകൾ പൂർണമായി ഒഴിവാക്കാൻ വ്യാപാരി സംഘടനാ പ്രതിനിധികളുടെയും ഹോട്ടൽ, ബേക്കറി ഉടമകളുടെ സംഘടനാ പ്രതിനിധികളുടെയും യോഗത്തിൽ കളക്‌ടർ നിർദേശം നൽകി.
നിരോധിച്ച പ്‌ളാസ്‌റ്റിക്‌ ഉൽപന്നങ്ങൾ കടകളിൽ വിൽക്കാനോ സൗജന്യമായി നൽകാനോ പാടില്ല. ആവശ്യക്കാർക്ക് തുണിസഞ്ചി പോലെ ബദൽ സംവിധാനങ്ങൾ വിലയ്‌ക്ക്‌ നൽകാം. ഹോട്ടലുകളിൽ പാഴ്‌സൽ വിതരണത്തിനു കവറുകൾക്കു പകരം പാത്രങ്ങൾ ഉപയോഗിക്കണം.
പാത്രങ്ങൾ കൊണ്ടുവരാത്തവർക്ക് അവ ലഭ്യമാക്കാൻ സൗകര്യമൊരുക്കാം. ഒക്‌ടോബർ 15 മുതൽ വ്യാപാര സ്‌ഥാപനങ്ങളിൽ പരിശോധന ശക്‌തമാക്കുമെന്നും കളക്‌ടർ അറിയിച്ചു. ഭക്ഷണവും മറ്റു സാധനങ്ങളും വാങ്ങാൻ ആവശ്യമായ പാത്രങ്ങളും സഞ്ചികളും കൈവശം കരുതണമെന്നും കളക്‌ടർ അഭ്യർഥിച്ചു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
