ജനീവ: സ്വവര്‍ഗ വിവാഹം നിയമവിധേയമാക്കി സ്വിറ്റ്സര്ലാൻഡ്. ഇതിനായുള്ള ഹിതപരിശോധനക്ക് സ്വിറ്റ്സര്‍ലാൻഡില്‍ മൂന്നില്‍ രണ്ട് അംഗീകാരം ലഭിച്ചു. ഇതോടെ രാജ്യത്ത് സ്വവര്‍ഗ വിവാഹം നിയമ വിധേയമാവുകയായിരുന്നു. സ്വവര്‍ഗ വിവാഹത്തിന് അനുമതി നല്‍കുന്ന പടിഞ്ഞാറന്‍ യൂറോപ്പിലെ അവസാന രാജ്യമായി സ്വിറ്റ്സര്ലാൻഡ് മാറി.
സ്വവര്‍ഗ വിവാഹങ്ങള്‍ അംഗീകരിക്കുന്ന ലോകത്തിലെ 30ആമത്തെ രാജ്യമാണ് സ്വിറ്റ്സര്‍ലാന്‍ഡ്. സ്വിസ് ഫെഡറല്‍ ചാന്‍സലറി നല്‍കിയ ഫലങ്ങള്‍ അനുസരിച്ച്, ഞായറാഴ്‌ച നടന്ന രാജ്യവ്യാപകമായ ഹിതപരിശോധനയില്‍ 64.1 ശതമാനം വോട്ടര്‍മാര്‍ സ്വവര്‍ഗ വിവാഹത്തിന് അനുകൂലമായി വോട്ടു ചെയ്‌തു. ആംനസ്‌റ്റി ഇന്റര്‍നാഷണല്‍ ഈ നീക്കത്തെ തുല്യതയുടെ നാഴികക്കല്ലെന്നാണ് വിശേഷിപ്പിച്ചത്.
Read Also: അതിർത്തിയിൽ നിന്ന് പിൻമാറാൻ തയ്യാറാവാതെ ചൈന
