മലപ്പുറം: ഇത്തവണത്തെ സന്തോഷ് ട്രോഫി ഫുട്ബോള് ചാമ്പ്യന്ഷിപ്പിന്റെ ടിക്കറ്റ് വില നിശ്ചയിച്ചു. കളക്ട്രേറ്റ് കോണ്ഫററന്സ് ഹാളില് പി ഉബൈദുള്ള എംഎല്എയുടെ സാന്നിധ്യത്തില് അഡ്വ. യുഎ ലത്തീഫ് എംഎല്എയുടെ അധ്യക്ഷതയിൽ ചേര്ന്ന സംഘാടക സമിതി യോഗത്തിലാണ് ടിക്കറ്റ് വില തീരുമാനിച്ചത്.
ജില്ലയിലെ പ്രധാന കേന്ദ്രങ്ങളായ തിരൂര്, പെരിന്തല്മണ്ണ, നിലമ്പൂര്, പൊന്നാനി എന്നിവിടങ്ങളിലെ ആരാധകര്ക്ക് ടിക്കറ്റ് വാങ്ങാനുള്ള പ്രത്യേക സൗകര്യമൊരുക്കും. ടിക്കറ്റ് വില്പന ഗ്രാമീണ ബാങ്ക്, സഹകരണ ബാങ്ക് എന്നിവ വഴി നടത്തുന്ന കാര്യവും ആലോചിക്കുന്നുണ്ട്. മഞ്ചേരി പയ്യനാട് സ്റ്റേഡിയത്തില് ഗ്യാലറിക്ക് ഒരു മൽസരത്തിന് 100 രൂപയും കസേരക്ക് ഒരു മൽസരത്തിന് 250 രൂപയുമാണ് നിരക്ക്.
ഇതേ ഇനത്തില് സീസണ് ടിക്കറ്റിന് 1000 രൂപയും 2500 രൂപയുമാണ് വിലയായി തീരുമാനിച്ചിരിക്കുന്നത്. വിഐപി കസേരക്ക് 1000 രൂപയാണ്, അതിന്റെ സീസണ് ടിക്കറ്റിന് 10,000 രൂപയാണുള്ളത്.
മൂന്ന് പേര്ക്ക് കയറാവുന്ന 25,000ത്തിന്റെ വിഐപി ടിക്കറ്റും ലഭ്യമാണ്. മലപ്പുറം കോട്ടപ്പടി സ്റ്റേഡിയത്തില് ഗ്യാലറി ടിക്കറ്റ് മാത്രമാണ് ഉള്ളത്. ഗ്യാലറി ടിക്കറ്റിന് ഒരു മൽസരത്തിന് 50 രൂപയും സീസണ് ടിക്കറ്റിന് 400 രൂപയുമാണ് വില.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
