ന്യൂഡെൽഹി: കോവിഡ് രണ്ടാം തരംഗമുണ്ടാക്കിയ പ്രതിസന്ധി മറികടക്കാന് നടപടിയുമായി കേന്ദ്ര സർക്കാർ. ആരോഗ്യ-ടൂറിസം മേഖലക്കാണ് ഊന്നൽ നൽകിയിരിക്കുന്നത്. കോവിഡ് പ്രതിസന്ധി നേരിട്ട മേഖലകള്ക്ക് 1.10 ലക്ഷം കോടി രൂപയുടെ ക്രെഡിറ്റ് ഗ്യാരന്റി പദ്ധതി കേന്ദ്ര ധനമന്ത്രി നിര്മലാ സീതാരാമന് പ്രഖ്യാപിച്ചു.
ആരോഗ്യ മേഖലക്ക് 50,000 കോടിയും മറ്റു മേഖലകള്ക്ക് 60,000 കോടിയും പ്രഖ്യാപിച്ചു. ആരോഗ്യ മേഖലക്കുള്ള പലിശനിരക്ക് 7.95 ശതമാനവും മറ്റു മേഖലകള്ക്ക് 8.25 ശതമാനവും ആയിരിക്കുമെന്നും ധനമന്ത്രി അറിയിച്ചു. മൈക്രോഫിനാന്സ് സ്ഥാപനങ്ങള് വഴി മൂന്നു വര്ഷ കാലാവധിയില് 25 ലക്ഷം വരെ വായ്പ ലഭ്യമാക്കും.
ആദ്യമെത്തുന്ന 5 ലക്ഷം ടൂറിസ്റ്റുകള്ക്ക് സൗജന്യ ടൂറിസ്റ്റ് വിസ നല്കും. പദ്ധതി 2022 മാര്ച്ച് 31 വരെയോ അഞ്ചു ലക്ഷം വിസ നല്കുന്നതു വരെയോ നിലവിലുണ്ടാകും. 11,000 റജിസ്ട്രേഡ് ടൂറിസ്റ്റ് ഗൈഡുകള്ക്കും ടൂറിസം മേഖലയില് പ്രവര്ത്തിക്കുന്നവര്ക്കും സാമ്പത്തിക സഹായം നല്കും.
കുട്ടികളെ കേന്ദ്രീകരിച്ച് പൊതു ആരോഗ്യ മേഖലയില് 23,220 കോടി കൂടി ചിലവിടുമെന്നും ധനമന്ത്രി അറിയിച്ചു. പ്രധാനമന്ത്രി ഗരീബ് കല്യാണ് യോജന പദ്ധതി 2021 സെപ്റ്റംബര് വരെ നീട്ടി. ഭക്ഷ്യസുരക്ഷാ നിയമപ്രകാരമുള്ള ഗുണഭോക്താക്കൾക്ക് 5 കിലോ അരി സൗജന്യമായി നല്കുമെന്നും നിർമലാ സീതാരാമൻ വ്യക്തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
