കോഴിക്കോട്: ഓടുന്ന ട്രെയിനിൽ കത്തിവീശി ഭീകരാന്തരീക്ഷം സൃഷ്ടിച്ച യുവാവ് പിടിയിൽ. മംഗളൂരു- പുതുച്ചേരി ട്രെയിനിൽ നടന്ന ആക്രമണത്തിൽ രണ്ടുപേർക്ക് പരിക്കേറ്റു. കടലുണ്ടി റെയിൽവേ ഗേറ്റിന് സമീപം എത്തിയപ്പോഴായിരുന്നു യുവാവ് മറ്റ് യാത്രക്കാർക്ക് നേരെ കത്തിവീശിയത്. ഉടൻ ആർപിഎഫ് ഇയാളെ കസ്റ്റഡിയിൽ എടുത്തു. ഇന്നലെ രാത്രി എട്ടരയോടെയായിരുന്നു സംഭവം.
യുവാവിന്റെ പരാക്രമത്തെ തുടർന്ന് യാത്രക്കാർ ചെയിൻ വലിച്ചു ട്രെയിൻ നിർത്തുകയായിരുന്നു. ഇയാൾ മദ്യലഹരിയിൽ ആയതിനാൽ ചോദ്യം ചെയ്യാൻ കഴിഞ്ഞിട്ടില്ല. തമിഴ്നാട് സ്വദേശിയാണ് ആക്രമണം നടത്തിയതെന്നാണ് വിവരം. മഴു, കത്തി ഉൾപ്പടെയുള്ള ആയുധങ്ങൾ ഇയാളുടെ കൈവശം ഉണ്ടായിരുന്നു.
Most Read| ആയമ്പാറയിൽ ഓരില ചെന്താമര വിരിഞ്ഞത് നാട്ടുകാർക്ക് കൗതുകമായി
