മലപ്പുറം: വീട്ടിലെ കാർ ഓടിക്കാൻ പിതാവ് താക്കോൽ നൽകാത്തതിന്റെ ദേഷ്യത്തിൽ മകൻ കാർ പെട്രോളൊഴിച്ച് കത്തിച്ചു. മലപ്പുറം കൊണ്ടോട്ടി നീറ്റാണിമ്മലിൽ ഇന്നലെ വൈകിട്ടായിരുന്നു സംഭവം. പിതാവിന്റെ പരാതിയിൽ മകൻ ഡാനിഷ് മിൻഹാജിനെതിരെ (21) കൊണ്ടോട്ടി പോലീസ് കേസെടുത്തു. യുവാവ് അറസ്റ്റിലാണ്.
ഡാനിഷിന് ലൈൻസൻസുണ്ടായിരുന്നില്ല. ഇതേത്തുടർന്നാണ് മകൻ ചോദിച്ചിട്ടും പിതാവ് കാറിന്റെ താക്കോൽ നൽകാതിരുന്നത്. ഇതോടെ രോഷാകുലനായ ഡാനിഷ് തൊട്ടടുത്ത് നിർത്തിയിട്ട ബൈക്കിൽ നിന്ന് പെട്രോൾ ഊറ്റിയെടുത്ത് കാറിനുമേൽ ഒഴിച്ച് തീയിടുകയായിരുന്നു. വീടിന് മുന്നിൽ നിർത്തിയിട്ട കാറിനാണ് തീയിട്ടത്. കാർ പൂർണമായും കത്തിനശിച്ചു. വീടിനും കേടുപാടുകൾ സംഭവിച്ചിട്ടുണ്ട്.
Most Read| വനിതാ ഡോക്ടറുടെ കൊലപാതകം; പ്രതിഷേധം ശക്തം- ബംഗാളിൽ 12 മണിക്കൂർ ബന്ദ്