ചെന്നൈ: ചെന്നൈയിലെ സാംസങ് ഫാക്‌ടറിയിൽ ജോലി ചെയ്യുന്ന 1800 തൊഴിലാളികളിൽ 1000 തൊഴിലാളികളെങ്കിലും കഴിഞ്ഞ ആഴ്‌ചമുതൽ ഫാക്‌ടറിക്ക് സമീപമുള്ള താൽക്കാലിക ടെന്റുകളിൽ ഉയർന്ന വേതനവും മെച്ചപ്പെട്ട തൊഴിൽ സാഹചര്യവും ആവശ്യപ്പെട്ട് പ്രതിഷേധിക്കുകയാണ്.
ഈ പ്രതിഷേധവുമായി ബന്ധപ്പെട്ട നടത്തിയ മാർച്ചിന് അനുമതിയില്ലായിരുന്നു എന്നപേരിലാണ് ചെന്നൈയുടെ കാഞ്ചീപുരത്തെ പ്രാന്തപ്രദേശത്തുള്ള സാംസങ് ഇലക്ട്രോണിക്‌സ് ഫാക്‌ടറിയിലെ നൂറിലധികം തൊഴിലാളികളെ പോലീസ് കസ്‌റ്റഡിയിൽ എടുത്തതെന്ന് വാർത്തകൾ പറയുന്നു.
കാഞ്ചീപുരത്തെ ഈ ഫാക്‌ടറി സാംസങ്ങിന്റെ വാർഷിക ഇന്ത്യൻ വരുമാനമായ 12 ബില്യൺ യുഎസ് ഡോളറിൻ്റെ മൂന്നിലൊന്ന് ഉണ്ടാക്കുന്നതായാണ് കണക്കുകൾ സൂചിപ്പിക്കുന്നത്. അതേസമയം, “എല്ലാ പ്രശ്‌നങ്ങളും എത്രയും വേഗം പരിഹരിക്കാൻ“ ചെന്നൈ പ്ളാന്റിലെ തൊഴിലാളികളുമായി ചർച്ച ആരംഭിച്ചതായി സാംസങ് വെള്ളിയാഴ്‌ച പറഞ്ഞിരുന്നു.
അതിനിടെ, ചെന്നൈയിൽ പണിമുടക്കിയ തൊഴിലാളികളെ പിന്തുണച്ച് ഡിഎംകെയുമായി ബന്ധമുള്ള 12 യൂണിയൻ ഗ്രൂപ്പുകൾ ബുധനാഴ്‌ച പ്രതിഷേധ പ്രകടനം നടത്താൻ തീരുമാനിച്ചിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
