തിരുവനന്തപുരം: സംസ്ഥാനത്ത് 19 പേര്ക്ക് കൂടി ഒമൈക്രോണ് സ്ഥിരീകരിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. എറണാകുളം 11 പേർക്കും തിരുവനന്തപുരം 6, തൃശൂര്, കണ്ണൂര് ഒന്ന് വീതം എന്നിങ്ങനെയാണ് ഒമൈക്രോണ് സ്ഥിരീകരിച്ചത്.
എറണാകുളത്ത് രോഗം സ്ഥിരീകരിച്ചവര് യുകെ 3, യുഎഇ 2, അയര്ലാന്ഡ് 2, സ്പെയിന് 1, കാനഡ 1, ഖത്തര് 1, നെതര്ലാന്ഡ് 1 എന്നിവിടങ്ങളില് നിന്നും എത്തിയവരാണ്. തിരുവനന്തപുരത്ത് രോഗം സ്ഥിരീകരിച്ചവര് യുകെ 1, ഖാന 1, ഖത്തര് 1 എന്നിവിടങ്ങളില് നിന്നും എത്തിയവരാണ്. 3 പേര്ക്ക് സമ്പര്ക്കത്തിലൂടെയാണ് ഒമൈക്രോണ് ബാധിച്ചത്.
തൃശൂരിലുള്ളയാള് യുഎഇയില് നിന്നും കണ്ണൂരിലുള്ളയാള് ഷാര്ജയില് നിന്നും എത്തിയതാണ്. ഇതോടെ സംസ്ഥാനത്ത് ആകെ 57 പേര്ക്കാണ് ഒമൈക്രോണ് സ്ഥിരീകരിച്ചത്. സംസ്ഥാനത്ത് കൂടുതല് ഒമൈക്രോണ് കേസുകള് റിപ്പോര്ട് ചെയ്തതോടെ എല്ലാവരും അതീവ ജാഗ്രത പാലിക്കണമെന്ന് മന്ത്രി വീണാ ജോര്ജ് പറഞ്ഞു.
Malabar News: മയക്കുമരുന്ന് കടത്ത്; പാലക്കാട് യുവാവ് പിടിയിൽ
