പാലക്കാട്: 40 ഗ്രാം എംഡിഎംഎയുമായി യുവാവ് പിടിയിൽ. മലപ്പുറം തിരൂർ സ്വദേശി ഗൗതം (23) ആണ് അറസ്റ്റിലായത്. ഇന്ന് രാവിലെ 5.30ന് ചിറ്റൂർ-പാലക്കാട് റോഡിൽ പൊൽപ്പുള്ളിക്കടുത്ത് കമലം സ്റ്റോപ്പിൽ വെച്ചാണ് ഇയാളെ പിടികൂടിയത്. സംശയാസ്പദമായി കാണപ്പെട്ട യുവാവിനെ പരിശോധിച്ചപ്പോഴാണ് മയക്കുമരുന്ന് പിടികൂടിയത്. ചില്ലറ വിപണിയിൽ ഇതിന് രണ്ട് ലക്ഷത്തിലധികം രൂപ വിലവരും.
കോയമ്പത്തൂർ സെൽവപുരത്ത് നെഹ്റു നഗറിലാണ് ഇയാൾ താമസിക്കുന്നത്. പുതുവൽസര ആഘോഷങ്ങൾക്കായി നിശാപാർട്ടികളിൽ ഉപയോഗിക്കുന്നതിന് കേരളത്തിലേക്ക് കടത്തിയ മയക്കുമരുന്നാണിതെന്ന് ഇയാൾ പോലീസിനോട് പറഞ്ഞു. ഇടപാടുകാർക്ക് കൈമാറാൻ നിൽക്കവേയാണ് അറസ്റ്റ്. ബെംഗളൂരുവിൽ നിന്നാണ് മയക്കുമരുന്ന് കൊണ്ടുവന്നത്.
Most Read: കോഴിക്കോട് കെഎസ്ആർടിസി സമുച്ചയം; യുഡിഎഫ് രണ്ടാംഘട്ട സമരത്തിലേക്ക്