ഡെറാഡൂൺ: ഉത്തരാഖണ്ഡിൽ കോവിഡിന്റെ വകഭേദമായ ഒമൈക്രോണിന്റെ ആദ്യ കേസ് റിപ്പോർട് ചെയ്തു. ബുധനാഴ്ചയാണ് ഡെറാഡൂണിൽ ഒരാൾക്ക് രോഗബാധ സ്ഥിരീകരിച്ചത്. ആവശ്യമെങ്കിൽ സംസ്ഥാനത്ത് രാത്രി കർഫ്യൂവും മറ്റ് നിയന്ത്രണങ്ങളും ഏർപ്പെടുത്തുമെന്ന് അധികൃതർ മുന്നറിയിപ്പ് നൽകി.
വൈറസ് വ്യാപനം തടയാൻ സ്വീകരിക്കേണ്ട മുൻകരുതൽ നടപടികളെക്കുറിച്ച് ചർച്ച ചെയ്യാൻ ചീഫ് സെക്രട്ടറിയുടെ അധ്യക്ഷതയിൽ ഉന്നതതല അവലോകന യോഗം ചേർന്നതായി സർക്കാർ പ്രസ്താവനയിൽ അറിയിച്ചു.
ആവശ്യമായ ഓക്സിജൻ, മരുന്നുകൾ, ആശുപത്രികളിലെ കിടക്ക ലഭ്യത തുടങ്ങിയവ ഉറപ്പുവരുത്താൻ ഉചിതമായ നടപടികൾ സ്വീകരിക്കണമെന്ന് ജില്ലാ കളക്ടർമാർക്കും ചീഫ് മെഡിക്കൽ ഓഫിസർമാർക്കും നിർദ്ദേശം നൽകിയിട്ടുണ്ടെന്ന് സർക്കാർ പ്രസ്താവനയിൽ അറിയിച്ചു.
കോവിഡ് പരിശോധനക്കും വാക്സിനേഷനുമായി വീടുതോറുമുള്ള സർവേ വേഗത്തിലാക്കാനും തീരുമാനിച്ചിട്ടുണ്ട്. കൂടാതെ രാത്രി കർഫ്യൂ ഏർപ്പെടുത്തുന്നതുമായി ബന്ധപ്പെട്ട് ചർച്ച നടത്തുമെന്നും പ്രസ്താവനയിൽ പറയുന്നു.
രാജ്യത്ത് ഇതുവരെ 200ൽ ഏറെ ഒമൈക്രോൺ കേസുകൾ റിപ്പോർട് ചെയ്തിട്ടുണ്ട്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
