മലപ്പുറം: ജില്ലയിൽ കൂടുതൽ പാസഞ്ചർ ലോഞ്ചുകൾ വരുന്നു. മണ്ഡലത്തിലെ 12 സ്ഥലങ്ങളിൽകൂടി ഹൈടെക് പാസഞ്ചർ ലോഞ്ചുകൾ നിർമിക്കുന്നതിന് എംഎൽഎയുടെ ആസ്തി വികസന ഫണ്ടിൽനിന്ന് 52 ലക്ഷം രൂപയുടെ ഭരണാനുമതി ലഭിച്ചതായി പി ഉബൈദുള്ള എംഎൽഎ പറഞ്ഞു.
എംഎസ്പി കമ്മ്യൂണിറ്റി ഹാൾ പരിസരം, വാറങ്കോട് എംബി ആശുപത്രിക്ക് സമീപം, ഹാജിയാർ പള്ളി, കോണോംപാറ, ആലത്തൂർപടി, അറവങ്കര, പുല്ലാര, ആനക്കയം ചെക്പോസ്റ്റ്, പാണായി, വടക്കേമണ്ണ, മൊറയൂർ, പൂക്കൊളത്തൂർ എന്നിവിടങ്ങളിലാണ് പാസഞ്ചർ ലോഞ്ചുകൾ വരുന്നത്.
ലോഞ്ചിൽ സോളാർ ലൈറ്റ്, എഫ്എം റേഡിയോ, മൊബൈൽ ചാർജർ തുടങ്ങിയ സൗകര്യങ്ങൾ യാത്രക്കാർക്കായി ഉണ്ടാകും. പൊതുമേഖല സ്ഥാപനമായ സ്റ്റീൽ ഇൻഡസ്ട്രിയൽസ് ലിമിറ്റഡ്-കേരളക്കാണ് നിർമാണ ചുമതല. സാങ്കേതിക നടപടിക്രമങ്ങൾ പൂർത്തിയാക്കി എത്രയുംവേഗം പദ്ധതി പൂർത്തിയാക്കുമെന്ന് എംഎൽഎ പി ഉബൈദുള്ള വ്യക്തമാക്കി.
Malabar News: അന്തർസംസ്ഥാന തൊഴിലാളിയെ ആക്രമിച്ച് പണം തട്ടിയ കേസ്; പ്രതി അറസ്റ്റിൽ