കൊയിലാണ്ടി: അന്തര്സംസ്ഥാന തൊഴിലാളിയെ ആക്രമിച്ച് പണം തട്ടിയ കേസിലെ പ്രതി അറസ്റ്റില്. പുളിയഞ്ചേരി എരോത്തുതാഴ സുഗീഷിനെ(35)യാണ് കൊയിലാണ്ടി പോലീസ് അറസ്റ്റ് ചെയ്തത്.
കൊല്ക്കത്ത സ്വദേശിയും കൊല്ലം 17ആം മൈല്സില് സ്വകാര്യ ഹോട്ടലിലെ ജീവനക്കാരനുമായ നിപു പൈറയെ ആക്രമിച്ച് പണവും ആധാര് കാര്ഡും കവര്ച്ച നടത്തിയ കേസിലാണ് പ്രതി പിടിയിലായത്. കഴിഞ്ഞ ദിവസമാണ് നിപു പൈറക്ക് നേരെ ആക്രമണം ഉണ്ടായത്.
നിരീക്ഷണ ക്യാമറയില് പതിഞ്ഞ ദൃശ്യങ്ങളാണ് പ്രതിയെ പിടികൂടാന് സഹായകമായതെന്ന് പോലീസ് പറഞ്ഞു. കൊയിലാണ്ടി സിഐ സികെ സുഭാഷ് ബാബു, എസ്ഐ കെകെ രാജേഷ്കുമാര്, സീനിയര് സിവില് പോലീസ് ഓഫിസര് വിജു വാണിയംകുളം, സിപിഒ അനൂപ് എന്നിവരുടെ നേതൃത്വത്തില് നടത്തിയ അന്വേഷണത്തില് കൊയിലാണ്ടി ബസ് സ്റ്റാന്ഡില് വെച്ചാണ് പ്രതി സുഗീഷിനെ പിടികൂടിയത്.
Malabar News: നെൻമാറ പഞ്ചായത്ത് വനിതാ അംഗത്തെ തട്ടിക്കൊണ്ടുപോയി മർദ്ദിച്ചതായി പരാതി