ചെന്നൈ: തമിഴ്‌നാട്ടിൽ പടക്കകടയിലുണ്ടായ തീപിടുത്തത്തിൽ ആറ് മരണം. കല്ലാകുറിച്ചി ജില്ലയിലെ ശങ്കരപുരത്തുള്ള പടക്കകടയിൽ ഇന്നലെ രാത്രിയായിരുന്നു അപകടം നടന്നത്. അപകടത്തിൽ 10 പേർക്ക് ഗുരുതരമായി പരിക്കേറ്റിട്ടുണ്ട്.
അഗ്‌നിശമന സേനയുടെയും പോലീസിന്റെയും നേതൃത്വത്തിൽ മണിക്കൂറുകൾ പരിശ്രമിച്ചാണ് തീ നിയന്ത്രണ വിധേയമാക്കിയത്. സമീപത്തെ ബേക്കറിയിൽ നിന്ന് തീ പടർന്നതാകാമെന്നാണ് പ്രാഥമിക നിഗമനം. പൊട്ടിത്തെറിയിൽ സമീപത്തെ കടകൾക്കും കേടുപാട് സംഭവിച്ചതായി പോലീസ് അറിയിച്ചു.
അതേസമയം അപകടത്തിൽ മരണപ്പെട്ടവരുടെ കുടുംബങ്ങൾക്ക് മുഖ്യമന്ത്രി എംകെ സ്‌റ്റാലിൻ അഞ്ച് ലക്ഷം രൂപ ധനസഹായം പ്രഖ്യാപിച്ചു. അത്യാഹിത വിഭാഗത്തിൽ ചികിൽസയിൽ കഴിയുന്നവർക്ക് ഒരു ലക്ഷം രൂപയും പ്രഖ്യാപിച്ചിട്ടുണ്ട്.
Most Read: തിയേറ്റര്‍ ഉടമകളുടെ പ്രശ്‌നങ്ങള്‍ ചര്‍ച്ച ചെയ്യാന്‍ മന്ത്രിതലയോഗം ചേരും
