ന്യൂഡെൽഹി: യുക്രൈനിൽ കുടുങ്ങിക്കിടക്കുന്ന ഇന്ത്യക്കാരെ സുരക്ഷിതമായി നാട്ടിൽ തിരിച്ചെത്തിക്കുന്ന ദൗത്യമായ ഓപ്പറേഷൻ ഗംഗ അവസാനഘട്ടത്തിലേക്ക് കടന്നതായി യുക്രൈനിലെ ഇന്ത്യൻ എംബസി അറിയിച്ചു. നിലവിൽ സ്വന്തം നിലക്ക് താമസിക്കുന്ന സ്ഥലങ്ങളിൽ നിന്ന് പ്രാദേശിക സമയം പത്ത് മണിക്കും 12 മണിക്കുമിടെ ഹംഗേറിയൻ തലസ്ഥാനമായ ബുഡാപെസ്റ്റിലെ ഹംഗേറിയ സിറ്റി സെന്ററിൽ എത്തിച്ചേരാൻ എംബസി വിദ്യാർഥികൾക്ക് നിർദ്ദേശം നൽകി.
യുക്രൈനിലെ യുദ്ധബാധിത മേഖലകളിൽ കുടുങ്ങിക്കിടക്കുന്നവർ നിജസ്ഥിതി വിവരിച്ചുകൊണ്ടുള്ള ഫോം അടിയന്തരമായി പൂരിപ്പിച്ച് നൽകാനും എംബസി നിർദ്ദേശിച്ചിരുന്നു. പേരും പാസ്പോർട്ട് നമ്പറും നിലവിലെ ലൊക്കേഷനും അടക്കമുള്ള കാര്യങ്ങൾ അറിയിക്കാനാണ് നിർദ്ദേശം.
കിഴക്കൻ യുക്രൈനിലെ യുദ്ധബാധിത മേഖലകളിൽ നൂറുകണക്കിന് ഇന്ത്യൻ വിദ്യാർഥികൾ ഇപ്പോഴും കുടുങ്ങിക്കിടക്കുന്നുണ്ടെന്നും കേന്ദ്ര സർക്കാർ കഴിഞ്ഞ വെള്ളിയാഴ്ച അറിയിച്ചിരുന്നു. ഇവരെ പുറത്തെത്തിക്കാൻ ബസുകൾ സജ്ജീകരിക്കുന്നതാണ് ഏറ്റവും വലിയ വെല്ലുവിളിയെന്നും കേന്ദ്രസർക്കാർ അറിയിച്ചു.
ഓപ്പറേഷൻ ഗംഗയിലൂടെ യുക്രൈനിൽ നിന്ന് 63 വിമാനങ്ങളിലായി ഏകദേശം 13,300 പേരെ ഇന്ത്യയിൽ തിരിച്ചെത്തിക്കാനായതായി കേന്ദ്ര വിദേശകാര്യ മന്ത്രാലയം ശനിയാഴ്ച അറിയിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
