ഡെല്ഹി: അടിയന്തര ഉപയോഗത്തിന് അനുമതി ലഭിച്ച കോവിഡ് വാക്സിനുകള് പത്ത് ദിവസത്തിന്നകം വിതരണത്തിന് തയാറാണെന്ന് കേന്ദ്ര ആരോഗ്യ മന്ത്രാലയം. ജനുവരി 13ന് വിതരണം തുടങ്ങാന് സജ്ജമാണെന്ന് മന്ത്രാലയം അറിയിച്ചു. കര്ണാടക, മുംബൈ, ചെന്നൈ, കൊല്ക്കത്ത എന്നിവിടങ്ങളില് മെഗാ വാക്സിന് സംഭരണ ശാലകള് തയാറായിക്കഴിഞ്ഞു. ഇവിടെ നിന്ന് സംസ്ഥാനങ്ങളുടെ സംഭരണ ശാലകളിലേക്ക് വാക്സിന് എത്തിക്കുമെന്നും മന്ത്രാലയ വക്താക്കള് മാദ്ധ്യമങ്ങളോട് പറഞ്ഞു.
29,000 കോള്ഡ് സ്റ്റോറേജുകള് മരുന്ന് സൂക്ഷിക്കാന് സര്ക്കാര് തയാറാക്കി കഴിഞ്ഞു. ഡ്രൈ റണില് എല്ലാ നടപടികളും വിലയിരുത്തിക്കഴിഞ്ഞതായും കേന്ദ്ര ആരോഗ്യ സെക്രട്ടറി രാജേഷ് ഭൂഷണ് വാര്ത്താ സമ്മേളനത്തില് അറിയിച്ചു. രാജ്യത്ത് കോവിഡ് രോഗവ്യാപനം കുറയുകയാണെന്നും കേന്ദ്ര ആരോഗ്യമന്ത്രാലയം വ്യക്തമാക്കി.
ആരോഗ്യ പ്രവര്ത്തകര് കൊ-വിന് ആപ്പില് രജിസ്റ്റര് ചെയ്യണ്ടേ ആവശ്യമില്ല. മുന്ഗണന പട്ടിക പ്രകാരമുള്ളവരുടെ വിവരങ്ങള് ആപ്പില് ഉണ്ടാകും. എന്നാല്, കോവിഡ് മുന്നണി പോരാളികളായ, ആദ്യ ഘട്ടത്തില് വാക്സിന് സ്വീകരിക്കേണ്ടവര് സ്വയം ആപ്പില് വിവരങ്ങള് നല്കണം എന്നും മന്ത്രാലയ വക്താക്കള് പറഞ്ഞു.
Kerala News: സംസ്ഥാനത്ത് അടുത്ത ആഴ്ച മുതല് തീയേറ്ററുകള് തുറക്കും; ഉടമകള്
