കണ്ണൂർ: മുഖ്യമന്ത്രി പിണറായി വിജയൻ മൽസരിക്കുന്ന ധർമ്മടം മണ്ഡലത്തിൽ റോഡ് ഷോയുമായി ബിജെപി ദേശീയ അധ്യക്ഷൻ ജെപി നഡ്ഡ. ധർമ്മടത്തെ എൻഡിഎ സ്ഥാനാർഥി സികെ പത്മനാഭന്റെ പ്രചാരണ പരിപാടികളുടെ ഭാഗമായി ചക്കരക്കല്ലിലാണ് ഒരു കിലോമീറ്ററോളം ദൂരം റോഡ് ഷോ നടത്തിയത്.
കേരളത്തിൽ എൽഡിഎഫും യുഡിഎഫും അഴിമതിയിൽ അഭിരമിക്കുകയാണെന്ന് ജെപി നഡ്ഡ ആരോപിച്ചു. സ്വർണക്കടത്ത് ഉൾപ്പടെയുള്ള കേസുകളിൽ കേന്ദ്ര ഏജൻസികളുടെ അന്വേഷണം ആവശ്യപ്പെട്ടത് മുഖ്യമന്ത്രിയാണ്. എന്നാൽ അന്വേഷണം സ്വന്തം മന്ത്രിസഭയിലെ അംഗങ്ങൾക്ക് നേരെ തിരിഞ്ഞതോടെ മുഖ്യമന്ത്രി കേന്ദ്ര ഏജൻസികൾക്ക് എതിരായെന്നും നഡ്ഡ ആരോപിച്ചു. ശബരിമല വിഷയത്തിൽ ബിജെപിയാണ് പ്രക്ഷോഭം നടത്തിയത്. കോൺഗ്രസ് വാചകമടിക്കുക മാത്രമാണ് ചെയ്തതെന്നും നഡ്ഡ പറഞ്ഞു.
Read also: പീഡനക്കേസ്; ബിജെപി നേതാവ് ചിൻമയാനന്ദിനെ വെറുതെ വിട്ടു
