തിരുവനന്തപുരം: ഇന്ന് സാംമ്പിൾ പരിശോധന ആണ്. അതനുസരിച്ചു കണക്കിലും വർധനവ് കാണുന്നുണ്ട്. ഇന്നത്തെ ആകെ രോഗബാധ 6010 ആണ്. സംസ്ഥാനത്ത് രോഗമുക്തി 6698. ഇന്നത്തെ ടെസ്റ്റ് പോസിറ്റിവിറ്റി നിരക്ക് 10.98 ആണ്. ഇന്നത്തെ മരണ സംഖ്യ 28 ആണ്.
യുവ സമൂഹത്തിൽ നിന്ന് 3 കോവിഡ് മരണങ്ങൾ ഇന്നും സ്ഥിരീകരിച്ചിട്ടുണ്ട്. 37 വയസുള്ള ചങ്ങനാശേരി സ്വദേശിനി ശാന്തി, 27 വയസുള്ള കാഞ്ഞിരപ്പള്ളി സ്വദേശി വിനുക്കുട്ടൻ, 35 വയസുളള ചിറ്റിലഞ്ചേരി സ്വദേശിനി സൗമ്യ എന്നിവരുമാണത്. സമ്പര്ക്ക രോഗികള് 5188 ഇന്നുണ്ട്. ഉറവിടം അറിയാത്ത 653 രോഗബാധിതരും, 78,694 പേർ നിലവിൽ ചികിൽസയിലുമുണ്ട്. 11 പുതിയ ഹോട്ട് സ്പോട്ടുകളും നിലവിൽ വന്നു. സംസ്ഥാനത്ത് ആരോഗ്യരംഗത്തുള്ള 69 പേർക്ക് രോഗബാധ സ്ഥിരീകരിച്ചു.
ആകെ രോഗ ബാധിതരുടെ ജില്ല തിരിച്ചുള്ള കണക്ക്;
കാസർഗോഡ്: 81
കണ്ണൂർ: 301
വയനാട്: 112
കോഴിക്കോട്: 807
മലപ്പുറം: 685
പാലക്കാട്: 342
തൃശ്ശൂർ: 711
എറണാകുളം: 583
ആലപ്പുഴ: 641
കോട്ടയം: 426
ഇടുക്കി: 89
പത്തനംതിട്ട: 234
കൊല്ലം: 431
തിരുവനന്തപുരം: 567
ഇന്ന് കോവിഡില് നിന്ന് മുക്തി നേടിയവര് 6698, ജില്ല തിരിച്ചുള്ള കണക്ക് ഇനി പറയുന്നതാണ്; തിരുവനന്തപുരം 580, കൊല്ലം 485, പത്തനംതിട്ട 175, ആലപ്പുഴ 559, കോട്ടയം 361, ഇടുക്കി 105, എറണാകുളം 1078, തൃശൂര് 1088, പാലക്കാട് 413, മലപ്പുറം 545, കോഴിക്കോട് 798, വയനാട് 135, കണ്ണൂര് 177, കാസര്ഗോഡ് 199. ഇനി ചികിൽസയിലുള്ളത് 78,694. ഇതുവരെ ആകെ 4,15,158 പേര് കോവിഡില് നിന്നും മുക്തി നേടി.
Most Read: മാവോവാദി വേൽമുരുകന്റെ മരണം; അന്വേഷണചുമതല വയനാട് കളക്ടർക്ക്
ആകെ 6010 രോഗബാധിതരില് 100 പേർ യാത്രാ ചരിത്രം ഉള്ളവരാണ്. ഇന്നത്തെ രോഗ ബാധിതരില് 653 പേരുടെ സമ്പര്ക്ക ഉറവിടം വ്യക്തമല്ല. സമ്പര്ക്കത്തിലൂടെ 5188 പേര്ക്കാണ് കോവിഡ് ബാധിച്ചത്. കാസര്ഗോഡ് 72, കണ്ണൂര് ജില്ലയില് നിന്നുള്ള 220 പേര്ക്കും, കോഴിക്കോട് 759, മലപ്പുറം 645, വയനാട് ജില്ലയില് നിന്നുള്ള 104 പേര്ക്കും, പാലക്കാട് ജില്ലയില് നിന്നുള്ള 182 പേര്ക്കും, തൃശൂര് ജില്ലയില് നിന്നുള്ള 685 പേര്ക്കും, എറണാകുളം 375, ആലപ്പുഴ ജില്ലയില് നിന്നുള്ള 628 പേര്ക്കും, ഇടുക്കി 57, കോട്ടയം 420, കൊല്ലം ജില്ലയില് നിന്നുള്ള 425 പേര്ക്കും, പത്തനംതിട്ട ജില്ലയില് നിന്നുള്ള 180, തിരുവനന്തപുരം ജില്ലയില് നിന്നുള്ള 436 പേര്ക്കുമാണ് സമ്പര്ക്കത്തിലൂടെ ഇന്ന് രോഗം ബാധിച്ചത്.
സംസ്ഥാനത്ത് ആകെ കോവിഡ് മരണം ഇത് വരെ 1742 ആയി. ഇന്ന് കോവിഡ്-19 സ്ഥിരീകരിച്ച മരണങ്ങള് 28 ആണ്. തിരുവന്തപുരം പെരുങ്കടവിള സ്വദേശി കൃഷ്ണൻകുട്ടി (57), നെല്ലിമൂട് സ്വദേശി തങ്കരാജന് നാടാര് (57), പ്ലാമൂട്ടുകട സ്വദേശി ജെറാള്ഡ് (63), ഊരൂട്ടമ്പലം സ്വദേശി മധു (55), ചിറയിന്കീഴ് സ്വദേശിനി ഡി. രാഹില (71), പോത്തന്കോട് സ്വദേശി ചക്രപാണി (75), കൊല്ലം മഞ്ഞപ്പാറ സ്വദേശി തോമസ് (71), കണ്ണനല്ലൂര് സ്വദേശി കെ. ജോര്ജ് (88), ഫരീദിയ നഗര് സ്വദേശിനി സൈനബ താജുദീന് (54), പത്തനംതിട്ട റാന്നി സ്വദേശിനി അനിത (51), കോട്ടയം സ്വദേശി ഇബ്റാഹിംകുട്ടി (75), ചങ്ങനാശേരി സ്വദേശിനി ശാന്തി (37), കൂവപ്പള്ളി സ്വദേശി സെയ്ദലവി (72), കാഞ്ഞിരപ്പള്ളി സ്വദേശി വിനുകുട്ടന് (27), എറണാകുളം മുരികുംപാടം സ്വദേശി ടി.ടി. ജോസഫ് (77), തൃശൂര് ഇരിങ്ങാലക്കുട സ്വദേശി എം.കെ. ചന്ദ്രന് (72), മുണ്ടൂര് സ്വദേശി ശശിധരന് (67), ഇരിങ്ങാലക്കുട സ്വദേശി ജോണി (57), പാലക്കാട് മണ്ണാര്കാട് സ്വദേശി ഹംസ (70), ചിറ്റിലഞ്ചേരി സ്വദേശിനി സൗമ്യ (35), തേങ്കുറിശി സ്വദേശിനി തങ്കമ്മ പണിക്കത്തിയാര് (84), മലപ്പുറം സ്വദേശിനി ഫാത്തിമ (80), കോഴിക്കോട് അരൂര് സ്വദേശി നാണു (58), കല്ലായി സ്വദേശി മൊയ്ദീന് (79), കന്നുക്കര സ്വദേശി രവീന്ദ്രന് (75), കണ്ണൂര് തളിപ്പറമ്പ് സ്വദേശി മുഹമ്മദ് സെയ്ദ് (62), നടുവില് സ്വദേശി കെ.പി. അഹമ്മദ് (86), മുണ്ടല്ലൂര് സ്വദേശി പി.കെ. സുലൈമാന് (68) എന്നിവരുടെ മരണം കോവിഡ് മൂലമാണെന്ന് സ്ഥിരീകരിച്ചു.
Most Read: യുഎഇ; മദ്യപാനം, ലൈംഗികത എന്നിവയിലുൾപ്പടെ സമഗ്ര നിയമ ഭേദഗതി
69 ആരോഗ്യ പ്രവര്ത്തകര്ക്കാണ് രോഗം ബാധിച്ചത്. തിരുവനന്തപുരം കോഴിക്കോട് 12 വീതവും മലപ്പുറം 09, എറണാകുളം 08, തൃശൂർ 08, കണ്ണൂർ 08, പത്തനംതിട്ട 02, ആലപ്പുഴ 02, ഇടുക്കി 02, പാലക്കാട് 02, വയനാട് 02, കാസർഗോഡ് 02 എന്നിങ്ങനെയാണ് ആരോഗ്യ പ്രവർത്തകരുടെ രോഗബാധ.
സംസ്ഥാനത്തെ കോവിഡ് പരിശോധന: കഴിഞ്ഞ 24 മണിക്കൂറിനിടെ 54,751 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെൻറ്റിനല്, സിബി നാറ്റ്, ട്രൂനാറ്റ്, സിഎല്ഐഎ, ആൻറ്റിജെന് എന്നിവ ഉള്പ്പെടെ ഇതുവരെ ആകെ 51,85,673 സാമ്പിളുകളാണ് പരിശോധനക്കായി അയച്ചത്. സെൻറ്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികൾ മുതലായ മുന്ഗണനാ ഗ്രൂപ്പുകളില് നിന്ന് സാമ്പിളുകൾ പരിശോധനക്ക് അയച്ചതിന്റെ വിശദാംശങ്ങൾ ലഭ്യമാക്കിയിട്ടില്ല.
ഇന്ന് സംസ്ഥാനത്ത് ഒഴിവാക്കപ്പെട്ടത് 07 ഹോട്ട് സ്പോട്ടുകളാണ്; ഇനി 616 ഹോട്ട് സ്പോട്ടുകളാണ് സംസ്ഥാനത്ത് ഉള്ളത്. ഒഴിവാക്കപ്പെട്ട ഹോട്ട് സ്പോട്ടുകളുടെ പേര് വിവരങ്ങൾ ലഭ്യമായിട്ടില്ല.
സംസ്ഥാനത്തിന്റെ വിവിധ ഭാഗങ്ങളിലായി ഇന്ന് നിലവില് വന്നത് 11 ഹോട്ട് സ്പോട്ടുകളാണ്. പേര് വിവരങ്ങൾ: മലപ്പുറം ജില്ലയിലെ പെരുമ്പടപ്പ് (കണ്ടൈന്മെന്റ് സോണ് സബ് വാര്ഡ് 1, 3, 4, 6, 7, 9, 11, 13), വെളിയംകോട് (2, 6, 7, 8, 9, 11, 12, 16), തിരൂരങ്ങാടി മുന്സിപ്പാലിറ്റി (8, 34, 37), വള്ളിക്കുന്ന് (2, 3, 4, 5, 8, 9, 13, 18), മൂന്നിയൂര് (9, 20, 22), നന്നമ്പ്ര (3, 18), തേഞ്ഞിപ്പാലം (5, 9, 11), കീഴുപറമ്പ് (2, 6, 12, 14), പത്തനംതിട്ട ജില്ലയിലെ ഏറാത്ത് (സബ് വാര്ഡ് 12), കൊല്ലം ജില്ലയിലെ കുളക്കട (12), എറണാകുളം ജില്ലയിലെ ഒക്കല് (സബ് വാര്ഡ് 7) എന്നിവയാണ് പുതിയ ഹോട്ട് സ്പോട്ടുകള്.
2039 പേരെ ഇന്ന് ആശുപത്രിയില് പ്രവേശിപ്പിച്ചിട്ടുണ്ട്. ഇനി വിവിധ ജില്ലകളിലായി 3,16,359 പേരാണ് നിരീക്ഷണത്തിലുള്ളത്. നിരീക്ഷണത്തിലുള്ളവരില് 2,97,041 പേര് വീട്/ഇൻസ്റ്റിറ്റിയൂഷണല് ക്വാറന്റൈനിലും 19,318 പേര് ആശുപത്രികളിലുമാണ്.
Related News: കോവിഡ് വാക്സിൻ 90 ശതമാനം ഫലപ്രദം; ഉടൻ അനുമതി തേടുമെന്ന് ഫൈസർ
