തിരുവനന്തപുരം: കേരളം മികച്ച നിക്ഷേപ സൗഹൃദ സംസ്‌ഥാനമാണെന്നും, അത് ഇനിയും തുടരുമെന്നും മുഖ്യമന്ത്രി പിണറായി വിജയൻ. സംസ്‌ഥാന സർക്കാർ തങ്ങൾക്ക് വലിയ പിന്തുണ നൽകുന്നുവെന്ന ഗോയെങ്ക ഗ്രൂപ്പിന്റെ അഭിനന്ദന ട്വീറ്റിന് മറുപടി നൽകുകയായിരുന്നു മുഖ്യമന്ത്രി.
Thank you @hvgoenka for allaying the apprehensions over Kerala’s EoDB. Your honesty is much appreciated. Kerala has been one of the most investor friendly States in India and will continue to be so. The LDF Govt. ensures that sustainable and innovative industries thrive here. https://t.co/6zQO0AUFIG
— Pinarayi Vijayan (@vijayanpinarayi) July 4, 2021
അതേസമയം, കേരളത്തിലെ വ്യവസായ സൗഹൃദ അന്തരീക്ഷവുമായി ബന്ധപ്പെട്ട് കിറ്റെക്‌സ് ഗ്രൂപ്പ് എംഡി സാബു ജേക്കബും, സർക്കാരും തമ്മിലുള്ള ആരോപണ പ്രത്യാരോപണങ്ങളുമായി ബന്ധപ്പെട്ട് മുഖ്യമന്ത്രി പരോക്ഷമായി നൽകിയ മറുപടിയാണിതെന്നാണ് സൂചന.
‘ഇന്ത്യയിലെ ഏറ്റവും നിക്ഷേപക സൗഹൃദ സംസ്‌ഥാനങ്ങളിലൊന്നാണ് കേരളം, അത് തുടരും. സുസ്‌ഥിരവും നൂതനവുമായ വ്യവസായങ്ങൾ ഇവിടെ അഭിവൃദ്ധി പ്രാപിക്കുന്നുവെന്ന് എൽഡിഎഫ് സർക്കാർ ഉറപ്പാക്കും’ മുഖ്യമന്ത്രി ട്വിറ്ററിൽ ഗോയെങ്ക ഗ്രൂപ്പിന് മറുപടി നൽകി.
Read Also: ഉത്തരവ് തന്റെ നിർദ്ദേശപ്രകാരം; ഉത്തരവാദിത്വം ഏറ്റെടുത്ത് ഇ ചന്ദ്രശേഖരൻ
